فۋتبولشى سوڭعى رەت پاس بەردى دە، الاڭدا جان تاپسىردى

«ءبىز، ارداگەرلەر رەتىندە، جىلدار بويى قالىپتاسقان داستۇرىمىزگە ساي، كۇندىزگى ساعات 11 دە ورتالىق ستاديون الاڭدارىنىڭ بىرىندە جينالعان ەدىك. اندرەي تۋرا مەنىڭ قولىمدا ءولدى دەۋىمە بولادى. ول پاس بەردى دە، كەنەت ەشكىممەن قاقتىعىسپاستان، قۇلاي كەتتى»، - دەدى بەسسونوۆ وقيعا ورىن العاننان كەيىن.

«اندرەي بال اسا كورنەكتى فۋتبولشى جانە سىيلى ادام ەدى. ونىڭ اشىق-جارقىن مىنەزى، قاراپايىمدىلىعى، كوڭىلدىلىگى ەرەكشە ەدى... ول ءارقاشان ۇجىمنىڭ ءسانى بولاتىن. كوپشىلىك اراسىندا ءاردايىم قاسىنداعىلاردىڭ رۋحىن كوتەرىپ جۇرەتىن. ءبىز ونىمەن 1976- جىلى ك س ر و- نىڭ جاسوسپىرىمدەر قۇراماسى ساپىندا ەۋروپا چەمپيوناتىن، كەلەسى جىلى الەم بىرىنشىلىگىن جەڭىپ العالى بەرى بىرگە كەلەمىز. اندرەي بەكەردەن-بەكەر كوماندا كاپيتانى بولعان جوق. ول قاشاندا الدا، العى شەپتە جۇرەتىن. وكىنىشتىسى، ومىردەن ەرتە كەتىپ بارادى. ول ءالى بۇل دۇنيەدە، اسىرەسە، فۋتبولدا تالاي نارسە جاسايتىن ەدى»، - دەدى بۇرىنعى ارىپتەسى.

بال 1958- جىلى 16- اقپاندا لۆوۆ وبلىسىنىڭ روزدول پوسەلكەسىندە تۋعان. قورعانىس پەن جارتىلاي قورعانىس شەپتەرىندە وينادى. فۋتبولشىلىق مانسابىنىڭ باسىم بولىگىن كيەۆتىڭ «ديناموسىندا» وتكىزدى. ك س ر و قۇراماسى ساپىندا 1981-1989- جىلدارى وينادى. 1982 جانە 1986- جىلدارى الەم چەمپيوناتتارىنا قاتىستى. ك س ر و- نىڭ 1981, 1985, 1986 جانە 1990- جىلدارعى 4 دۇركىن چەمپيونى. ك س ر و كۋبوگىنىڭ 4 رەتكى (1982, 1985, 1987, 1990) يەگەرى. كۋبوك يەلەرى كۋبوگىنىڭ 1986- جىلعى جەڭىمپازى.

سوڭعى جىلدارى اندرەي بال كيەۆتىڭ «دينامو» كومانداسى قۇرىلىمىندا جاتتىقتىرۋشىنىڭ اسسيسەنتى، جاتتىقتىرۋشى- سەلەكتسيونەر بولىپ قىزمەت ەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى