قازاقستان بوكس فەدەراتسياسىنىڭ كۋبوگى: جامبىلدىقتار شيرەك فينالدا تۋرنير چەمپيوندارىن جولدان تايدىردى
بۇل كەزەڭدە «B» جانە «D» توبىنداعى كوماندالار باق سىناستى.
ورال قالاسىندا «B» توبىنىڭ (استانا، جامبىل جانە باتىس قازاقستان وبلىستارىنىڭ قۇرامالارى) مىقتىلارى انىقتالدى. ەلوردالىق قۇرامدى جامبىل وبلىسىنىڭ بوكسشىلارى 6:4 ەسەبىمەن تىزە بۇكتىرىپ، جارتىلاي فينالعا جولداما الدى. استانا قۇراماسى بۇعان دەيىن ءتۋرنيردىڭ چەمپيوندارى سانالىپ كەلگەن.
قاراعاندىدا وتكەن سىندا الماتى جانە قاراعاندى وبلىستارىنىڭ بوكسشىلارى 8:2 جانە 10:0 ەسەبىمەن اتىراۋ جانە س ق و بوكسشىلارىن ويسىراتا جەڭدى. بۇگىن قوس جەڭىمپاز ءوزارا تاجىكەلەسىپ، قاي جەڭگەنى جامبىلدىقتارعا قارسىلاس اتانادى.
