قوس قازاقستاندىقتىڭ ەسىمى كۇرەستىڭ داڭق زالىنا ماڭگىلىككە جازىلدى
مۇنداي اتاققا ۆاديم پساريەۆ پەن جاقسىلىق ۇشكەمپىروۆ لايىق دەپ تابىلىپتى. بۇل تاشكەنتتە وتكەن ف ي ل ا كونگرەسى كەزىندە بەلگىلى بولدى.
ايتا كەتەيىك، داڭقتى قازاقستاندىق جاتتىقتىرۋشى ۆاديم پساريەۆتىڭ شاكىرتتەرى حالىقارالىق دەڭگەيدەگى 100 گە جۋىق ماراپاتقا يە بولعان. سولاردىڭ ىشىندە ەڭ جوعارى دارەجەگە جەتكەن - وليمپيادانىڭ ەكى دۇركىن چەمپيونى ۆالەري ي ريازانتسيەۆ بولدى.
سونداي-اق، بۇل تىزىمگە قازاقتان شىققان تۇڭعىش وليمپيادا چەمپيونى جاقسىلىق ۇشكەمپىروۆ تە قوسىلدى. ول 1980- جىلعى وليمپيادادا بولگاريالىق پاۆەل حريستوۆتى 12:7 ەسەبىمەن ۇتىپ، ۇلتىنىڭ داڭقىن اسقاقتاتقان بولاتىن. ونىڭ ەرلىگىن وسى كۇنگە دەيىن ەشكىم قايتالاي الماي كەلەدى.
