ەل حيرۋرگتەرى ترانسپلانتاتسيا جاساۋدى جەتىلدىرۋدە
بۇعان دەيىن مۇنداي وپەراتسيا تەك ۆ گەپاتيتىمەن اۋىرعاندارعا عانا جۇرگىزىلەتىن.
شارانى وتاندىق دارىگەرلەر جاپون حيرۋرگتەرىمەن بىرلەسە وتكىزدى.
تۋعان اپاسى 41 جاستاعى ازاماتقا ءوزىنىڭ باۋىرىن بەرىپ وتىر.
2 وپەراتسيا ءبىر مەزەتتە جاسالىندى. ماماندار 8 ايدان كەيىن ناۋقاس تولىعىمەن جازىلاتىندىعىن ايتادى. وسىدان ايىققان ازامات سارى اۋرۋمەن قايتا اۋىرمايدى. ونىڭ سىرى - ترانسپلانتاتسيا كەزىندە ادام اعزاسىنا ۆيرۋستى ولتىرەتىن جاسۋشالاردىڭ ەنگىزىلۋىندە.
دارىگەرلەر ميكرواعزالاردى دونورلىق باۋىردان الادى.
جاقسىلىق دوسقاليەۆ، رەسپۋبليكالىق ترانسپلانتاتسيا ورتالىعىنىڭ جەتەكشىسى:
- ەرتەڭ ايىرباستاعان باۋىردى گەپاتيت قايتادان ىستەن شىعارۋى مۇمكىن. مۇنداي جاعداي بولماس ءۇشىن، جاڭا ءتاسىل قولدانىپ جاتىر. ادامنان العان باۋىردى ميكروبيولگيا، كلەتكا، ليمفوتسيتتەر ارقىلى ۆيرۋستەرگە كەدەرگى جاساۋ. وتاندىق دارىگەرلەر تىڭ ءتاسىلدى جاپونياعا بارىپ، ۇيرەنىپ كەلگەن. بۇگىندە كۇنشىعىس ەلىنىڭ ماماندارى قازاقستانعا كەلىپ، ءبىزدىڭ حيرۋرگتەرمەن بىرگە وسى وپەراتسيانى جاسادى.
حيدەكي ودان، ترانسپلانتولوگ حيرۋرگ (جاپونيا):
- ءبىز جاپونيادا تۋىسقاندىق ترانسپلانتولوگيانى جاقسى دامىتتىق. ال قازاقستاندىق ماماندار ءبىزدىڭ ۋنيۆەرسيتەتكە كەلىپ، ديسسەرتاتسيا قورعايدى. ءبىز كوپ ۋاقىت بىرلەسىپ، جۇمىس جۇرگىزدىك. سوندىقتان وسىندا كەلىپ، وپەراتسيانى بىرگە وتكىزۋدى ءجون كورىپ وتىرمىز. ەلدەگى ترانسپلانتاتسيا سالاسىن، ونىڭ ىشىندە قايتىس بولعانداردىڭ ورگاندارىن الۋدى ءارى قاراي دامىتۋ ءۇشىن حالىقارالىق كونفەرەنتسيا وتكىزىلدى.
وعان الەمنىڭ اتاقتى ماماندارى قاتىسىپ، ءوزارا تاجىريبە، پىكىر الماستى.
يان پيرك، ترانسپلانتولوگ حيرۋرگ (چەحيا):
- ءبىز مۇنداي وپەراتسيالاردى 1984 - جىلدان باستاپ جاساۋدامىز. 10 مىڭعا جۋىعىن ءساتتى جۇزەگە اسىردىق. بيىلدىڭ وزىندە 33 وپەراتسيا جاسادىق. مەن 2012 - جىلى قازاقستاندا جۇرگىزىلگەن ءبىرىنشى ترانسپلانتاتسياعا قاتىستىم. كونفەرەنسياعا قايتىس بولعان تۋىستارىنىڭ ورگاندارىن بەرۋگە كەلىسكەن ازاماتتار دا شاقىرتىلىپ، ماراپاتقا يە بولدى. سەبەبى بۇل كىسىلەردىڭ شەشىمى كوپتەگەن ناۋقاستىڭ ءومىرىن ساقتاپ قالدى. بيىلدىڭ وزىندە ەلىمىزدە 116 تراسپلانتاتسيا وپەراتسياسى جاسالىنعان.
24.kz
