قازاقستاننىڭ باعالى قاعازدار نارىعى قاي باعىتتا دامۋدا؟
ءبىز «جاڭا قازاقستان» ايدارىمەن بەرىلەتىن ماتەريالدار توپتاماسىن نازارلارىڭىزعا ۇسىنامىز. بۇگىنگى تاقىرىپ - قازاقستاننىڭ باعالى قاعازدار نارىعى. باعالى قاعازدار - حالىققا ەل ەكونوميكاسىن دامىتۋعا اتسالىسۋعا مۇمكىندىك بەرەتىن جاڭا مەنشىك ءتۇرى.
ءىرى كاسىپورىن اكتسيونەرى بولۋدى ارماندامايتىندار نەكەن ساياق. ەندەشە 2012 - جىلدان بەرى ءاربىر نيەت بىلدىرگەن قازاقستاندىققا ءدال وسىنداي مۇمكىندىك بەرىلدى.
نارىقتا ءتىپتى، ءىرى گاز كومپانياسىنىڭ اكتسيالارى دا ساتىلىمعا قويىلدى. اتاپ ءوتۋ كەرەك، بۇل مۇمكىندىك تەك قازاقستان ازاماتىنا عانا بەرىلەدى. ويتكەنى، حالىقتىق IPO باعدارلاماسىنىڭ نەگىزگى تالابى وسىنداي بولاتىن.
ەڭ ءىرى كومپانيالاردىڭ اكسيالارى 2015 - جىلعا دەيىن كەزەڭ- كەزەڭمەن ساتىلادى. حالىقتىق IPO باعدارلاماسى بويىنشا ساتىلىمعا شىققان ەنشىلەس كاسىپورىنداردىڭ بارلىعى «سامۇرىق- قازىنا» ۇلتتىق ءال-اۋقات قورىنا تيەسىلى. ولار ەل ەكونوميكاسىنىڭ 1\4 بولىگىن قۇرايدى. سوندىقتان ۇكىمەت بۇل مەكەمەلەردىڭ نەگىزگى بولىگىن عانا قاداعالاپ، قالعانىن باسەكەلەستىك ورتاعا بەرۋدى ءجون سانادى.
بۇگىندە بۇل اكسيالاردى 33 مىڭ ازامات مەنشىكتەپ ۇلگەردى. بۇل ناۋقاننىڭ اياسىن كەڭەيتۋ ماقساتىندا «قازپوشتا» اكتسيونەرلىك قوعامىنىڭ جەلىسىن پايدالانۋ ۇسىنىلدى. ەرەجەگە ساي، اكتسيا يەسى اكتسيونەرلەر جينالىسىنا قاتىسىپ، داۋىس بەرۋ قۇقىعىنا يە بولادى.
ولار تابىستىڭ بەلگىلى ءبىر بولىگىن يەمدەنۋگە قۇقىلى. قازاقستانداعى قور نارىعىنىڭ نەگىزگى كورسەتكىشى KASE قور بيرجاسى ۇسىنعان مالىمەتتەرگە نەگىزدەلەدى. 2012 - جىلى KASE بيرجاسىنداعى مەملەكەتتىك قۇندى قاعازداردىڭ قاتىسۋمەن جۇزەگە اسىرىلعان كەلىسىمشارتتار سوماسى 6,5 ملن. تەڭگەگەدەن استى. KASE بيرجاسىنداعى باعالى قاعازداردىڭ باسىم بولىگىن قارىز قۇندى قاعازدارى قۇرايدى. اكسيالار % 19 بولسا، مەملەكەتتىك قۇندى قاعازدار 37,1%- دى قۇرادى.
24.kz
