جاستارعا ارنالعان جاڭا تەلەحيكايا تۇسىرىلۋدە

پروديۋسەردىڭ ايتۋىنشا، بۇل جاستارعا ارنالعان تەلەحيكايا دەپ حابارلايدى حابار تەلەارناسى.

اۋىلداعى قاراپايىم وتباسىنان شىققان كامشات مەكتەپتى ۇزدىك ءبىتىرىپ، جوعارى وقۋ ورىنداردىڭ بىرىنە گرانتقا تۇسەدى.

اتا-اناسىنا سالماق تۇسىرمەيىن دەگەن ەڭبەكقور قىز ساباقتان تىس ۋاقىتىندا ەدەن جۋىپ، كافەدە داياشى بولىپ جۇمىس جاسايدى. تاعدىردىڭ جازۋىمەن كامشات اۋقاتتى وتباسىنىڭ بالاسى داستان دەگەن جىگىتپەن كوڭىلى جاراسىپ، ەكى جاسقا ءومىردىڭ قاتال سىنىنا توتەپ بەرۋگە تۋرا كەلەدى.

گۇلنۇر ماماساريپوۆا، پروديۋسەر:

- ول جەردە جەڭىل-جەلپى ەمەس، وتە تەرەڭ، كۇيكى تىرلىك بار، تۇرمىس بار، اۋقاتتى جانە ورتا وتباسىنىڭ اراسىندا قاراما-قايشىلىق بار، جالپى قوعامداعى قاراما-قايشىلىق بار. ەڭ باستىسى، بۇل جەردە ءبىز قانداي دا ءبىر كورەرمەنگە قانداي دا ءبىر نۇكتە قويعىمىز كەلىپ تۇرعان جوق. كورەرمەننىڭ ءوزى تاڭداپ الادى، كىمنىڭ كىممەن قالۋ كەرەك ەكەنىن. سونداي ءبىر ءادىستى قولدانعىمىز كەلىپ تۇر. Happy end جوق.

باستى رولدەردى گۇلناز جولانوۆا مەن تاۋەكەل ءمۇسلىم وينايدى. تاۋەكەل بۇدان بۇرىن جارنامالارعا، شاعىن رولدەرگە تۇسكەن. ال، «قازاق ارۋى-2014» بايقاۋىنىڭ جەڭىمپازى گۇلناز كينوعا العاش رەت كەلىپ وتىر ەكەن. ەكەۋى دە ومىرگە قۇشتار، ماقساتتارىنا جەتۋ ءۇشىن كۇرەسە بىلەتىن كەيىپكەرلەرى وزدەرىنە ۇقسايتىنىن ايتادى.

 «ماحاببات جۇرەگىمدە» تەلەحيكاياسى كورەرمەن نازارىنا قازان ايىندا ۇسىنىلماق.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى