سىر ءوڭىرى ەجەلگى وعىز، قىپشاقتاردىڭ استاناسى بولعانىن بىلدىرەتىن عيماراتتار سول جاعالاۋدا سالىنادى

 «قۇرىلىس قارقىندى دامىعان ايماقتا ەكونوميكانىڭ بارلىق سالالارى وركەن جايادى. سوندىقتان، قۇرىلىستى ەكونوميكانىڭ لوكوموتيۆى دەپ اتاۋ - زاڭدىلىق. سىرداريا وزەنىنىڭ سول جاعالاۋىندا جاڭا قالانىڭ بوي كوتەرەتىن كۇنى دە الىس ەمەس. سىر ءوڭىرى ەجەلگى ساق، وعىز، قىپشاقتاردىڭ استاناسى بولعانىن بىلدىرەتىن عيماراتتار سول جاعالاۋدا سالىناتىن بولادى. وسىنشاما اۋقىمدى ىستەر، قۇرىلىسشىنىڭ كاسىبي شەبەرلىگى مەن ادال ەڭبەگىنىڭ ارقاسىندا عانا جۇزەگە اسادى» ، - دەدى وبلىس اكىمى ق. كوشەربايەۆ.

بيىل وڭىردە بارلىعى 88 وبەكتىدە قۇرىلىس جۇمىستارى جۇرگىزىلۋدە. ونىڭ 65  ءى وسى جىلى پايدالانۋعا بەرىلەدى. ءبىلىم بەرۋ سالاسىنا 40 نىسان سالىنۋدا. جىل ىشىندە 32 سى ىسكە قوسىلادى. ولاردىڭ 12 سى رەسپۋبليكالىق، 20 سى وبلىستىق بيۋدجەت ەسەبىنەن قارجىلاندىرىلعان. دەنساۋلىق ساقتاۋ سالاسى بويىنشا، - 21, «بيزنەستىڭ جول كارتاسى -2020» مەمباعدارلاماسى اياسىندا 7 نىساننىڭ قۇرىلىسى ءجۇرىپ جاتىر. بۇعان قوسا، سپورت جانە تۋريزم، حالىققا قىزمەت كورسەتۋ ورتالىعى جانە مۇراعات عيماراتتارى بوي كوتەرىپ كەلەدى. جىل باسىنان بەرى «قولجەتىمدى تۇرعىن ءۇي - 2020» باعدارلاماسى اياسىندا 5210 شارشى مەتردى قۇرايتىن 86 پاتەر پايدالانىلۋعا بەرىلدى. جالپى بيىل 837 وتباسى باسپانا تويىن تويلايتىن بولادى.

سالتاناتتى شارادا قۇرىلىسشىلار «قۇرمەت گراموتاسى» مەن وبلىس اكىمىنىڭ «العىس» حاتى، «قازاقستاننىڭ قۇرمەتتى قۇرىلىسشىسى» قۇرمەت بەلگىسىمەن ماراپاتتالدى.

 مەرەكەلىك شارا قازاقستان ەسترادا جۇلدىزدارىنىڭ ءان- شاشۋىمەن جالعاستى.

  اۆتور: ەلۋباي اۋەزوۆ 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى