ءا. يسەكەشيەۆ دوپ شىعاراتىن زاۋىت قۇرىلىسىنا قاتىستى تۇسىنىكتەمە بەردى

«كەشە مەنەن 130 ميلليون دوللارلىق دوپ شىعاراتىن يندۋستريالدى جوباعا قاتىستى تۇسىنىكتەمە بەرۋدى سۇراعان ەدى. كەشىرىڭىزدەر، كەشە بىردەن جاۋاپ بەرە المادىم.

ارينە، جوق. اقپارات شىندىققا جاناسپايدى. جۋرناليستەر دۇرىس تۇسىنبەي قالعان سياقتى. مۇنداي جانە باسقالار جازىپ جاتقان كوپتەگەن جوبالار يندۋستريالاندىرۋ كارتاسىندا جوق. ت. ەسەنتايەۆ مىرزادان انىقتاپ بىلگەنىمدەي، اڭگىمە سپورت سالاسىنداعى ءبىرقاتار جوبالاردى جۇزەگە اسىرۋ توڭىرگەندە وربىگەن»، - دەپ جازدى ءا. يسەكەشيەۆ ءوزىنىڭ Facebook تەگى پاراقشاسىنا.

ونىڭ اتاپ وتۋىنشە، زاۋىت قۇرىلىسىنا تەك جەكە قارجى عانا تارتىلاتىن بولادى. «بۇل جوبالاردىڭ بيۋدجەت قارجىسىنا جۇزەگە اسىرىلمايتىندىعى انىق. مەنىڭ بىلۋىمشە، كاسىپكەرلەر وزدەرىنىڭ 500 مىڭ دوللارعا دەيىنگى جەكە قارجىلارىن سپورتتىق تاۋارلار وندىرىسىنە قۇيعان. ينۆەستيتسيا كولەمى 130 ميلليون دوللاردى قۇرايتىن دوپ ءوندىرىسى بويىنشا جوبا جوق»، - دەيدى مينيستر.

ەستەرىڭىزگە سالا كەتەيىك، 5 - تامىز كۇنى ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر سپورت جانە دەنە شىنىقتىرۋ ىستەرى اگەنتتىگىنىڭ ءتوراعاسى تاستانبەك ەسەنتايەۆ بيىل قازاقستاندىق "Kazsport Technology" كومپانياسى دوپ شىعاراتىن زاۋىت اشاتىندىعىن ايتقان ەدى. ونىڭ سوزىنە قاراعاندا، وعان سالىنعان جالپى ينۆەستيتسيالاردىڭ كولەمى 130 ميلليون ا ق ش دوللارىنا تەڭ بولماق. ول الماتىدا ورنالاسادى، وندا ۆولەيبول، باسكەتبول مەن فۋتبولعا ارنالعان دوپتار شىعارىلادى

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى