جينسى شالبارىنىڭ ايەل دەنساۋلىعىنا قانشالىقتى زيان ەكەنىن بىلەسىز بە؟
اسىرەسە، قىزدار جاعى جينسيدىڭ ساۋداسىن قىزدىرادى.
باسقاسى باسقا نازىك جاندىلارعا جينسي ءتان ەمەس. جانى نازىكتەرگە ارنالىپ تىگىلگەن جينسيدىڭ (جالپى شالبارلاردىڭ) بارلىعى تار تىگىلەدى.
«جينسى نا بەدراح» دەگەن ازعىرۋ ساياساتىنىڭ ءجۇرىپ جاتقانىن ءبىرى بىلسە، ءبىرى بىلمەيدى. بەس كۇندە تاراپ، ون كۇندە بۇرىمىن ورگەن قازاقتىڭ قىزدارىنا دجينسى شالبار انتيدۇنيە بولىپ ەسەپتەلەدى.
شالباردىڭ قىزدارعا زيانىن ايتىپ وتكەندى ءجون سانادىق.
دجينسى شالبارى سوزىلمايتىن قاتتى ماتەريالدان تىگىلەدى. بۇل قىزدارعا قۇرساق كوتەرىپ، انا اتاناردا زيانىن تيگىزەدى. سەبەبى، قىز بالاسى باليعات جاسقا تولعاننان باستاپ، بۋىندارى وسكەن سايىن بوساپ، ىشكى ورگانيزمى قۇرساق بايلاۋعا دايىندالا باستايدى.
ال، ەگەر دە دجينسي سەكىلدى نەمەسە باسقا دا تار كيىم كيەتىن قىزداردا بۇل ۇردىسكە قارسى ارەكەت جۇرەدى. سەبەبى، الگى تار كيىم بوسايتىن بۋىندى كەرىسىنشە قاتىرىپ تاستايدى. قازىرگى كەزدەگى انا مەن بالا ءولىمىنىڭ كوبەيۋى وسىدان بولسا كەرەك. مەيلى امان قالعاننىڭ وزىندە دەنى ساۋ ۇرپاق اكەلمەسە قايتەمىز؟
ەر كىسىلەرگە دە جينسيدىڭ تيگىزەتىن ايتارلىقتاي زيانى بار. ەگەر تار جينس شالبار كيسە، وندا بەلدەن تومەن ورنالاسقان تامىرلار قىسىلىپ، قالىپتى جۇمىسىنىڭ توقتاۋى بەك مۇمكىن. بۇل ءوز كەزەگىندە جىنىس مۇشەسىنىڭ ءتۇرلى اۋرۋلارىنا اكەلىپ سوقتىرادى.
ەندى ەرلەرگە تار ەمەس، كەڭ جينسي كيۋگە بولادى. سەبەبى، دجينسيدىڭ ەرلەرگە ارنالعان كەڭ تىگىلگەن تۇرلەرى بار (ەڭ دۇرىسى كيمەگەن ابزال). ال، ايەلدەردە مۇنداي تاڭداۋ جوقتىڭ قاسى.
ەندى بۇل كيىم ءتۇرىنىڭ جالپى زيانىنا كەلەيىكشى:
1) قانداي جينسي كيىمدى الساڭىز دا سۋىقتى تەز تارتاتىن قاسيەتكە يە. سۋىقتان ەر دە، ايەل دە ءتۇرلى اۋرۋلارعا، سونىڭ ىشىندە جىنىستىق اۋرۋلارعا دۋشار بولادى.
2) جينسيدى كيگەننەن كەيىن ول تەرىمەن تىعىز بايلانىس ورناتادى. ول تەرىنى ۇنەمى قاجايدى. جينسيدىڭ كىرلەگەنى بىردەن تەرىگە اسەر ەتەدى. سودان تەرىنىڭ قابىنۋى - دەرماتيت اۋرۋىنا دەيىن اپارادى.
3) جينسي قان اينالىمىن تەجەيدى. ەگەر دە تىزەرلەپ وتىرا قالساڭىز، اياعىڭىزدا مۇلدەم قان اينالۋ ءۇردىسى توقتاپ قالۋى مۇمكىن.
4) ارتىق سالماق جيناۋعا كومەكتەسەتىن نارسە ول - جينسى. قالاي دەيسىز عوي؟ جينسي بەل ومىرتقاداعى سەگىزكوزدى جاپسا جاپتى، جاپپاسا ول دا جوق. ودان ۇزارتسا جينسيدىڭ ءسانى كەتىپ قالادى-اۋ.
ال، ول بولسا مايكا مەن كويلەكتى دە دۇرىس ۇستاپ تۇرا المايدى. سول سەبەپتەن دە وكپەگە سۋىق تيگىزۋ ءقاۋپى اناعۇرلىم جوعارى. وسىنى ەسكەرىپ، ىشكى ورگانيزم بەلگە، وكپەگە سۋىق تيگىزبەۋ ماقساتىندا بەلگە وزىنشە ماي جيناي باستايدى. ياعني، ارتىق مايدى بەلگە جينايدى. وتىزدان اسپاي تۇرىپ قارنى شىعىپ كەتىپ جاتقانداردىڭ كوپ سەبەبىنىڭ ءبىرى وسىدان.
جينسيدىڭ بۇدان دا وزگە زياندارى عالامتور بەتتەرىندە جەتىپ ارتىلادى.
قازاقتىڭ: «كيىمنىڭ سۇلۋىنان جىلۋى جاقسى» دەگەن ءسوزىن ەسكەرىپ، دەنساۋلىققا كوڭىل بولگەنىمىز ابزال.
Namys.kz
