الماتى وبلىسىندا شوپانداردى وقىتاتىن بولادى

بۇل تۋرالى وڭىردەگى قوي شارۋاشىلىعىن دامىتۋ بويىنشا ىلكى جوبانىڭ تانىستىرىلىمى كەزىندە ايتىلدى.

جوبانى وبلىس اكىمى مەن «جەتىسۋ» وڭىرلىك قوي شارۋاشىلىعى قاۋىمداستىعىنىڭ قولداۋىمەن قوي شارۋاشىلىعى ع ز ي عالىمدارى جاساعان.

 «جاستاردى قوي وسىرۋگە مىندەتتى الەۋمەتتىك پاكەتپەن قىزىقتىرىپ تارتۋ قاجەت. الماتى وبلىسىندا 3 ميلليوننان استام قوي بار. ولاردىڭ % 51 ى جەكە يەلىكتە. بۇگىندە اسىل تۇقىمدى مالدى كوبەيتۋ ماسەلەسى تۋىنداپ وتىر» ، - دەدى وبلىس اكىمى اڭسار مۇساحانوۆ.

 قوي شارۋاشىلىعى ع ز ي ءبولىم مەڭگەرۋشىسى نۇرجان جۇمادىللايەۆتىڭ سوزىنە قاراعاندا، ەلباسى شارۋالار الدىنا 2016 - جىلعا دەيىن ەت ەكسپورتىن 60 مىڭ تونناعا، ال 2020 - جىلعا دەيىن 180 مىڭ تونناعا دەيىن جەتكىزۋ مىندەتىن قويعان. وندا قوي شارۋاشىلىعى تۋرالى دا ايتىلعان. بۇل ءۇشىن اتالعان سالانى دامىتۋعا باعىتتالعان عىلىمي جوبا جاساۋ قاجەت. ول «جەتىسۋ» وڭىرلىك قوي شارۋالارى قاۋىمداستىعى اياسىندا جۇزەگە اسىرىلادى. بۇگىندە ۇيىمدا 300 شارۋا قوجالىعى بار. ولاردا 380 مىڭ انالىق قوي وسىرىلەدى. ايتا كەتۋ كەرەك، اسىل تۇقىمدى مالدىڭ ساپاسىن ارتتىرۋ ءۇشىن قاۋىمداستىق جانىنان «اسىل تۇقىم» ورتالىعى قۇرىلدى.

 «ول سەلەكتسيالىق جۇمىسپەن اينالىسادى. ءبىز اسىل تۇقىمدى قوشقارلاردى ساتىپ الدىق. ەندى ولاردى اۋىل شارۋاشىلىعى تاۋارلارىن وندىرۋشىلەرگە جالعا بەرىپ وتىرامىز» ، - دەدى «جەتىسۋ» وڭىرلىك قوي شارۋاشىلىعى قاۋىمداستىعىنىڭ پرەزيدەنتى كەڭەسحان ابدىلدەنوۆ.

بۇگىندە ايماقتا 48 اسىل تۇقىمدى قوي وسىرەتىن شارۋاشىلىق بار. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى