قازاقستاندىق ايان جۇماشيەۆ شەشەنستان پرەزيدەنتىنىڭ كەڭەسشىسى بولىپ تاعايىندالدى
سودان ايان شەشەنستانعا بارىپ، قادىروۆپەن بەتپە- بەت كەزدەسىپ، ءوزىنىڭ جوسپارلارى تۋرالى بايانداپ بەرەدى. اياننىڭ بۇل پايدالى جوسپارلارى رامازان قادىروۆتىڭ كوڭىلىنەن شىققان بولۋ كەرەك، وعان كەڭەسشى بولىپ قىزمەت ەتۋگە ۇسىنىس جاسايدى. بۇعان ايان بىردەن كەلىسەدى. سونىمەن قازىر ايان جۇماشيەۆ شەشەنستاننىڭ مەملەكەت باسشىسىنىڭ كەڭەسشىسى بولىپ قىزمەت اتقارۋدا.
ول ءوز قىزمەتىندە ءبىلىم ماسەلەلەرىمەن اينالىسادى. رەسەيگە كەتپەس بۇرىن جۇماشيەۆ كىشكەنتاي بالالاردىڭ تاربيەسى تۋرالى كىتاپ جازعان. ول ءوز ەڭبەگىن قادىروۆقا سىيعا تارتتى. «ول كىتاپتى اشىپ وقىعان جالعىز ادام بولار»، - دەيدى جۇماشيەۆ.
جۇماشيەۆ شەشەنستاندا جاستار تاربيەسى باعدارلاماسىن دامىتۋعا اتسالىسادى، ول مەكتەپ وقۋشىلارىمەن جۇمىس ىستەيدى. باعدارلاماعا مەكتەپ وقۋشىلارىنىڭ ۇيىمداستىرۋ قابىلەتىن دامىتۋ، ولاردى اۆتورلىق جوبالاردى قۇرۋعا باۋلۋ كىرەدى. ايان جۇماشيەۆتىڭ ايتۋىنشا، مەكتەپ جاسىندا اۆتورلىق جوبالارىن ىسكە اسىرعان بالالاردان ۋنيۆەرسيتەتتەرگە رەزەرۆ دايىندالادى. "ۇزاق ۋاقىت بويى مەن مەكتەپ وقۋشىلارىمەن كەزدەستىم، دارىستەر وتكىزدىم، تاپسىرمالار بەردىم، ولاردىڭ ارەكەتتەرىنە قارادىم، قازىرگى ۋاقىتتا ءبىز بۇل يدەيانى شەشەنستان رەسپۋبليكاسىنداعى بارلىق مەكتەپتە ىسكە اسىراتىن بولامىز"، - دەدى قازاقستاندىق وزىنە رامازان قادىروۆ جۇكتەگەن مىندەتتەر جايىندا.
