قازىرگى «ەلەكتروندىق ۇكىمەت» دەگەن نە؟
قوعاممەن بىرگە مەملەكەتتىك بيلىك ورگاندارى دا وزگەرەدى، سەبەبى ولاردىڭ مىندەتى حالىقتىڭ تالاپتارىن قاناعاتتاندىرۋ، باسقاشا بولۋى مۇمكىن ەمەس.
مەملەكەتتىڭ قارىم-قاتىناسى بارلىق دەڭگەيدە ورىندالۋى قاجەت: مەملەكەت - ازاماتتار، مەملەكەت - بيزنەس جانە مەملەكەت - مەملەكەت، ال قىزمەت كورسەتۋ مۇمكىندىگىنشە ءبىر جەردە، ءبىرىڭعاي ەلەكتروندىق پورتالدا - ەلەكتروندى ۇكىمەت پورتالىنا بەرىلەدى.
ەلەكتروندىق ۇكىمەتتىڭ ءىس-ارەكەتىنىڭ قىزمەت ەتۋ تەتىگى اقپاراتتىق تەحنولوگيالاردى كەڭىنەن قولدانۋعا نەگىزدەلگەن جانە ازاماتتار مەن ۇيىمدارعا بارىنشا قىزمەت كورسەتۋگە باعىتتالعان. قىسقاشا ايتقاندا، ەلەكتروندىق ۇكىمەت دەگەنىمىز مەملەكەت اتقاراتىن بارلىق قىزمەتتەر مەن فۋنكتسيالاردىڭ ەلەكتروندى ءتۇرى.
ەلەكتروندىق ۇكىمەتتىڭ كومەگىمەن ءسىز:
مەملەكەتتىك قىزمەتتى الۋ، مىسالى: جەكە تۇلعانىڭ جىلجىمايتىن مۇلكىنىڭ جوق (بار) ەكەندىگى جايلى انىقتاما الۋ، بالانىڭ تۋىلۋىن تىركەۋ، ا ج ك الۋ جانە ت. ب.؛
كوممەرتسيالىق قىزمەت كومەگىن الۋ، مىسالى: تەمىرجول نەمەسە اۋەبيلەتتەرىن برونداۋ، ۇيالى بايلانىس قىزمەتتەرىنە اقى تولەۋ جانە ت. ب.؛
ءوتىنىش بەرۋ جانە ليتسەنزيا الۋ؛
بيۋدجەتتىك تولەمدەردى تولەۋ، مىسالى: ءتولقۇجات العانى ءۇشىن، جول ءجۇرۋ ەرەجەسىن بۇزعانى ءۇشىن ايىپپۇل، جىلجىمايتىن مۇلىكتىڭ زاڭداستىرۋشى قۇجاتتارىنىڭ كوشىرمەسىن العانى ءۇشىن تولەم جانە ت. ب.؛
مەملەكەتتىك ورگانداردىڭ باسشىلارىنا بلوگتارى ارقىلى تىكەلەي حابارلاسۋ؛
مەملەكەتتىك ورگانداردىڭ جۇمىسى جايلى اقپارات الۋ؛
ەلەكتروندىق سيفرلىق قولتاڭبا (ە س ق) راسىمدەۋ؛
كەز كەلگەن مەملەكەتتىك ورگاننان ق ر زاڭناماسىن ءتۇسىندىرۋ، مەملەكەتتىك قىزمەت كورسەتۋ پروتسەدۋراسىنىڭ تۇسىندىرمەسى، قايسى ءبىر جاعدايدا لاۋازىمدى تۇلعانىڭ ارەكەتتەرىنىڭ زاڭدىلىعى جانە ت. ب سۇراقتار بويىنشا On-line كەڭەس الۋ.
ەلەكتروندىق ۇكىمەتتىڭ call-ورتالىعىنىڭ تەلەفوندارى ارقىلى ءسىز ءوزىڭىزدى قىزىقتىراتىن سۇراقتار بويىنشا اقپارات الا الاسىز: 8-800-080-7777, 1414.
ەلەكتروندىق ۇكىمەتتىڭ قۇرىلۋى - بۇل سۋبەكتيۆتى فاكتوردىڭ ىقپالىن تومەندەتە وتىرىپ، شەنەۋنىكتى ازاماتتارعا جاقىنداستىرۋدىڭ امالى. ەلەكتروندى ۇكىمەت شەنەۋنىك پەن ازاماتتىڭ بەتپە- بەت قارىم-قاتىناسىن ۆيرتۋالدى قاتىناسقا ۇلاستىرىپ، ازاماتتارعا ءوز سۇرانىستارىنىڭ شەشىلۋ جولىن باقىلاۋعا مۇمكىندىك بەرەدى. بۇل ءبىر جاعىنان ۇكىمەتتىڭ دە، ازاماتتاردىڭ دا، بيزنەس- قۇرىلىمداردىڭ دا ارمانى.
«نۇر وتان» ح د پ قولداۋىمەن جازىلعان «ومىرلىك 100 جاعداي» كىتابىنان ءۇزىندى.
