قازاقستان- قىتاي شەكاراسىندا ءىرى ساۋدا ورىنى اشىلادى

ول سونداي- اق، ق ح ر سولتۇستىك- باتىسىنداعى شىنجاڭ- ۇيعىر اۆتونوميالىق ولكەسىندەگى باج سالىعى سالىنباي ساۋدا جۇرگىزىلەتىن العاشقى ساۋدا ورىنى بولادى.

 جەرگىلىكتى بيلىك وكىلدەرىنىڭ سوزىنە قاراعاندا، باج سالىعىنان بوساتىلعان دۇكەن كەلەر جىلدىڭ 13 - تامىزىندا اشىلادى. العاشقى Duty Free دىڭ اۋماعى 2 مىڭ شارشى مەتردى قۇرايدى.

 شىنجاڭ تۇرعىندارى جەكە كۋالىكتەرىن كورسەتۋ ارقىلى وسى جەردەن تاۋار ساتىپ الا الادى. ولار كۇن سايىن ساپالى تاۋارلاردى 8 مىڭ يۋانعا ($1300) ساتىپ الۋ مۇمكىندىگى بولادى. قىتايلىق باسقارۋشى كومپانيانىڭ وكىلدەرى اتاپ وتكەندەي، «قورعاس» شەكارا ماڭى ىنتىماقتاستىعى حالىقارالىق ورتالىعىنداعى Duty Free دۇكەنىندە ساپاسى جوعارى ەۋروپالىق جانە الەمدىك برەندتى تاۋارلار ساتىلادى.

باج سالىعى سالىنباعان ساۋدا بۇگىندە بەيجىڭ، شاڭحاي جانە سانيا (ق ح ر، حاينان پروۆينتسياسى) قالالارىندا جۇمىس ىستەۋدە. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى