سابينا التىنبەكوۆا اتا-اناسىن جۇگىرتىپ قويادى

«قازىر سابينا الماتىدا تۇرىپ جاتىر، «الماتينوچكا» ۆولەيبول كلۋبىندا جاتتىعۋدا. 16 جاسىندا سپورت شەبەرى كانديداتتىعىن الدى. ۋاقىتىنىڭ تىعىزدىعىنا بايلانىستى بىزگە سيرەك كەلەدى. كەلگەن كۇننىڭ وزىندە ءبىزدى تاڭعى 6 دان وياتىپ، جۇگىرتىپ قويادى. سوسىن ءبارىمىز تۇرىپ، اۋەجايعا دەيىنگى جول بويىمەن جۇگىرەمىز»، - دەيدى قىزىن ساعىنىشپەن ەسىنە العان اناسى.

«ءۇش قىزىمىز دا ماقسات قويىپ، وعان جەتۋ جولىندا ايانبايدى. سابينانىڭ ۇلكەن اپكەسى بار، جاقىندا تۇرمىسقا بەرگەلى جاتىرمىز. جانە 4 جاسار كىشى ءسىڭىلىسى بار. قازىردەن باستاپ ونىڭ بويىندا سپورتقا دەگەن يكەمدىلىك بايقالادى. سابينا كەلگەن سايىن ءسىڭىلىسىن جاتتىقتىرىپ، دوپ قاعىپ الۋعا ۇيرەتەدى، جانە ول دا بولاشاقتا سپورتپەن اينالىسسا ەكەن دەيدى»، - دەپ اڭگىمەلەدى نۇريپا التىنبەكوۆا.

اتا-اناسىنىڭ ايتۋىنشا، سپورتقا، ۆولەيبولعا دەگەن سۇيىسپەنشىلىگىنىڭ ارقاسىندا سابيناعا «ۆولەيبولدىڭ پاتريوتى» دەگەن اتاق بەرىلگەن. ونى اقتوبەدەگى العاشقى جاتتىقتىرۋشىسى اناتولي ۋرەنكو قويعان. ءدال سول ۋرەنكونىڭ كومانداسىندا ءجۇرىپ جەتكەن جەتىستىكتەرىنىڭ ارقاسىندا سابينا قاراعاندىلىق جانە استانالىق كلۋبتارعا شاقىرتۋ الادى. قازىر ول الماتىدا اناتولي ديانچەنكو مەن ليۋدميلا پەريەۆەرتوۆانىڭ دايىنداۋىمەن جاتتىعىپ جاتىر.

ەستەرىڭزگە سالا كەتەيىك، قازاقستاندىق جاس سپورتشى قىز ەشقانداي اتاعى جوق الەمنىڭ ەڭ سۇلۋ بەس سپورتشىسىنىڭ قاتارىنا ىلىككەن بولاتىن. ۆولەيبولدان 19 جاسقا دەيىنگى الەم چەمپيوناتىندا وتاندىق كوماندانىڭ زاپاستاعى ويىنشىلارى ىشىندە وتىرعان سابينا التىنبەكوۆا ازيالىق سپورت ب ا ق-تارىنىڭ كوزايىمىنا اينالىپ، اياق استى جۇلدىز بولىپ شىعا كەلدى.

قىزدارىنىڭ مۇنشالىقتى تانىمال بولعانىنا انا-اناسى دا اڭ-تاڭ. سەبەبى ولار قىزدارىنىڭ زاڭگەر بولعانىن قالاعان ەكەن.
bnews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى