قازاق قىزى تانىمال قىتاي فيلمىنىڭ باستى رولىندە
قىتايدىڭ كينو سالاسىندا Reyizha Alimjan نەمەسە Rayza دەگەن ەسىمىمەن تانىمال.
ول 1986 - جىلى 15 - شىلدەدە بەيجىڭ قالاسىندا دۇنيەگە كەلگەن. قىتايدىڭ Baidu ىزدەۋ جەلىسىندەگى دەرەككوزدەرگە سۇيەنسەك، تازا قازاق وتباسىندا تاربيەلەنگەن.
قىزدىڭ اتا-اناسى بەيجىڭ قالاسىنىڭ ءتىل ورتالىعىندا جۇمىس ىستەيدى ەكەن. ريزانىڭ ءحوببيى: ءان ايتۋ، ساياحاتقا شىعۋ، كىتاپ وقۋ.
ريزانىڭ تانىمالدىلىعى 15 جاسىنان باستاپ ارتقان. ەڭ جاس سانبيكە رەتىندە اتاقتى ءسان تۋرالى «Ruili» جۋرنالىنىڭ العاشقى بەتتەرىنە بىرنەشە رەت شىققان. بۇعان دەيىن «سوقىر كينو»، «ۇلكەن شايقاس»، «ساتتىلىك كەلە جاتىر»، «جەن حۋان چۋان عيباداتحاناسى» سياقتى تاعى دا باسقا فيلمدەر مەن مەلودرامالارعا تۇسكەن.
ءدال قازىر «ءبىز عانا بىلەتىن مەكەن» («Somewhere Only We Know») اتتى كينودا وڭتۇستىككورەيالىق SM Entertainment اگەنتتىگى قۇرعان EXO توبىنىڭ بۇرىنعى مۇشەسى ۆۋ يفانمەن بىرگە تۇسۋدە. فيلمنىڭ پرەمەراسى كەلەر جىلدىڭ اقپان ايىنا جوسپارلانىپ وتىر.
