يتاليا قالالارىندا تۋريستەرگە سالىناتىن سالىق مولشەرى ارتپاق

اتاپ ايتقاندا، ۆەنەتسيا قالاسىنا باراتىن تۋريستەردەن الىناتىن سالىق مولشەرى 2014 -جىلدىڭ قىركۇيەك ايىنان باستاپ 50 ەۋروتسەنتكە ارتسا (ءۇش جۇلدىزدى قوناقءۇي ءۇشىن 3 ەۋرودان 3,5 ەۋروعا دەيىن، ال ءتورت جۇلدىزدى قوناق ءۇي ءۇشىن 4 ەۋرودان 4,5 ەۋروعا دەيىن)، ال ريم قالاسىنىڭ كوركىن تاماشالاۋعا كەلگەندەر بۇرىنعىدان ەكى ەسە كوبىرەك شىعىندالماق.

ياعني، ريمدەگى بەس جۇلدىزدى قوناق ۇيدە ءبىر كۇن تۇرۋ ءۇشىن ونىڭ باعاسىنىڭ ۇستىنەن تاعى 7 يەۆرو تولەۋگە تۋرا كەلەدى. ءتورت جۇلدىزدى وتەلدەر 6 ەۋرودان السا، ءۇش جۇلدىزدى قوناقۇيلەر 4 ەۋروعا قىمباتتاماق. ايتا كەتەيىك، بۇرىن سالىق مولشەرى قوناقۇيلەردىڭ جۇلدىزدارىنا بايلانىستى الىناتىن: 5 جۇلدىزدى قوناق ءۇي ءۇشىن - 5 ەۋرو، 4 جۇلدىزدىعا - 4 ەۋرو، 3,2,1 جۇلدىزدى قوناۇيلەر ءۇشىن - سايكەسىنشە 3,2 جانە 1 ەۋرو سالىق الىناتىن.

الايدا ريمدەگى قوناق ءۇي بيزنەسىنىڭ وكىلدەرى تۋريستەرگە سالىناتىن سالىقتىڭ كوبەيۋىنە قارسى ناۋقان ۇيىمداستىرۋعا نيەتتى ەكەندىكتەرىن جەتكىزىپ وتىر، دەپ جازادى يتار-تاسس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى