بەلگيالىق فيزيك استانانى سينگاپۋر مەن دۋباي قالالارىنا تەڭەدى
بۇل تۋرالى قازاقپارات تىلشىسىنە ەلوردادا وتكەن 45 - حالىقارالىق وليمپياداعا باعىن سىناۋعا كەلگەن بەلگيالىق كوماندانىڭ جەتەكشىسى فيليپپ لەونارد ايتتى.
ەۋروپا تۇرعىنىنىڭ ايتۋىنشا، استانا عيماراتتارىنىڭ قۇرىلىسى سينگاپۋر مەن دۋباي قالالارىنا قاتتى ۇقسايدى.
« IPho وتە جوعارى دارەجەدە ۇيىمداستىرىلعان. ماعان مىڭجىلدىق تاريحى بار بريۋسسەلدىڭ تۇرعىنى رەتىندە جاڭا دا جاسامپاز قالانىڭ ساۋلەتىن كورۋ ۇلكەن اسەر قالدىرىپ وتىر. 16 جىلدىق تاريحى بار استانا ءوزىنىڭ جاستىق البىرتتىعى مەن بولاشاققا دەگەن ۇمتىلىسىمەن تاڭ قالدىرادى» ، - دەدى ول.
بەلگيالىق ازامات استانادا ادامداردىڭ ءومىر ءسۇرۋى مەن جۇمىس ىستەۋىنە ىڭعايلى جاعداي جاسالعاندىعىن دا اتاپ ءوتتى.
