ۇلى بريتانيادا دۇنيەجۇزىلىك ۇلۋلار جارىسى ءوتىپ جاتىر
قىزىقتى سايىسقا 150 ۇمىتكەر قاتىستى. ولار شاعىن شەڭبەر ىشىندە جەر باۋىرلاپ، سوڭعى قىزىل جولاقتان ءوتۋى ءتيىس بولدى.
قوجايىندارى سپورتشى ۇلۋلاردى ەرەكشە ديەاتامەن دايىنداپ، جاسىل جاپىراق پەن سۋدى كوبىرەك بەرگەنىن ايتادى. قاتىسۋشىلاردىڭ اراسىندا وتكەن جىلدارى جەڭىسكە جەتكەن اتاقتىلارى دا بار. ءبىراق بۇل جولى مارە سىزىعىن دوداعا بيىل تۇسكەن ۋەللس ەسىمدى ۇلۋ ءبىرىنشى بولىپ كەسىپ ءوتىپ، جۇزدەن جۇيرىك اتاندى.
ول مەجەگە 3 مينۋت 19 سەكۋندتا جەتتى. ءسويتىپ لوندوننان كەلگەن 5 جاستاعى ۇلۋ الەمدەگى «ەڭ جىلدام ۇلۋ» اتاعىن يەلەندى. وعان سىيلىق رەتىندە جاپىراقتان جاسالعان سالات تارتۋ ەتىلدى.
24.kz
