نازاربايەۆ ۋنيۆەرسيتەتىندە بىرەگەي عىلىمي جوبالار تانىستىرىلدى - فوتو
اتاپ ايتقاندا، مينيسترگە كەڭسەلىك قاعازداردى (تازارتۋ ) قايتا وڭدەۋ ءادىسى، گيدروفوبتى كومپوزيتتى ماتەريالداردى شىعارۋ، سكانەرلەۋشى زوندتى نانوتوموگراف، ونلاين وقىتۋ ءۇشىن ءاداپتيۆتى اتتەستاسيانىڭ تەحنولوگيالارى، قازاقشا سوزدەردى تانۋعا ارنالعان زياتكەرلىك جۇيە جانە باسقا دا جوبالار كورسەتىلدى.
«تەحنو پاركتىڭ تۇجىرىمداماسىن كورەيا جانە ۇلى بريتانياداعى حالىقارالىق سەرىكتەستەرىمىزبەن بىرگە ازىرلەدىك. وسىندا نازاربايەۆ ۋنيۆەرسيتەتى عالىمدارى دايارلاعان ونعا تارتا جوبا ءوز جۇمىسىن باستايدى» ، - دەدى ا. ءسارىنجىپوۆ تەحنو پاركتەگى جوبالارمەن تانىسقاننان كەيىن.
ايتا كەتەيىك، تەحنو پاركتىڭ اۋماعى 2 مىڭ شارشى مەتردى قامتىپ وتىر. ول نازاربايەۆ ۋنيۆەرسيتەتىنىڭ زياتكەرلىك يننوۆاتسيالىق كلاستەردى دامىتۋ جوسپارىن جۇزەگە اسىرۋدىڭ جالعاسى جانە عىلىم مەن بيزنەستىڭ دامۋىنا جاڭا مۇمكىندىكتەر اشىپ وتىر. اتالعان كەشەننىڭ اۋماعىندا جاڭاراتىن ەنەرگيا كوزدەرىن زەرتتەۋى ءۇشىن ءتيستى عىلىمي جۇمىستار جۇرگىزىلەدى. ول ءۇشىن تەحنوپاركتە فوتو ەلەكترلىك پانەلدەر، گەليوكوللەكتورلار، جەل گەنەراتورلارى مەن جىلۋ ناسوستارى ورناتىلعان.
