اكە پارىزى قالاي وتەلەدى؟
قارت اكەسى تاڭ قالىپ:
- بالام، و نە دەگەنىڭ؟ ! ەشتەڭەنىڭ قاجەتى جوق. امان جۇرسەڭدەر بولعانى!، - دەيدى. بالاسى سوندا دا قويماي:
- جوق، اكە. قارىز بولعىم كەلمەيدى! شەتەلگە بارعىڭىز كەلە مە؟ مۇمكىن، قىمبات تون، كيىم كەرەك شىعار؟ قالاساڭىز، كەز كەلگەن كۋرورتقا جىبەرەيىن؟ الدە، كولىك ساتىپ اپەرەيىن، ايتىڭىز؟ ، - دەپ كەرگي تۇسەدى. ءسال ويلانعان اكەسى:
- جارايدى، بالام، دەگەنىڭ بولسىن! ەگەر پارىزىڭدى وتەگىڭ كەلسە، وندا مەنىمەن ءجۇر، - دەپ قالا سىرتىنداعى ءبىر ءدوڭ باسىنا اكەلىپتى.
ەتنوپەداگوگيكا: اكە پارىزى ءدوڭنىڭ (توبەنىڭ) باسىنا جەتكەسىن قولىنداعى كىشكەنە دوپتى تومەن قاراي لاقتىرىپتى دا: «بالام، قيىن بولماسا، اناۋ دوپتى ماعان قايتا اكەپ بەرشى»، - دەيدى. «سول دا ءسوز بوپ پا؟!» دەگەندەي يىعىن ءبىر كوتەرگەن ۇلى ىلديدان تومەنگە، دوپتىڭ سوڭىن الا جۇگىرە كەتەدى. قومپاڭداپ، تەرلەپ، توبەگە قايتا شىعادى. اكەسىنە دوپتى ۇستاتقان كۇيدە ول تاعى دا دوپتى تومەنگە لاقتىرىپ، قايتا اكەپ بەرۋىن سۇرايدى. بۇل جولى ۇلى ءبىراز رەنجۋلى كەيىپپەن قايتادان دوپتى قۋالاي جونەلەدى. دوڭگە كوتەرىلگەندە قاتتى شارشاپ، تەرلەيدى. اكەسىنىڭ جانىنا جەتىپ، ماڭدايىنداعى تەرىن سۇرتكەن كۇيى:
- اكە، بۇل نە مازاعىڭىز؟ ! الدە، مەن دوپ قۋالاپ جۇرەتىن كىشكەنتاي بالامىن با؟! ءجونى ءتۇزۋ ءبىر ءوتىنىش ايتساڭىز بولماس پا ەدى؟!، - دەپ اشۋلى كۇيدە جەكيدى. سوندا قارت اكە:
- سولاي ما، بالام؟ قاتتى شارشاپ قالدىڭ با؟ باياعىدا، سەن كىشكەنە كەزىڭدە اناڭ ەكەۋىمىز وسى دوڭگە ءجيى الىپ شىعار ەدىك. سوندا سەن وسىنداي دوپتى ەتەككە لاقتىرىپ، مەنىڭ اكەپ بەرۋىمدى قالايتىنسىڭ. ءبىر ەمەس، بىرنەشە رەت جۇگىرىپ شىعار ەدىم. ءار اكەلگەن سايىن سەن قاتتى قۋانىپ، دوپتى ودان الىسىراق لاقتىرۋشى ەدىڭ. ءبىز دە سەنىڭ كۇلگەنىڭە قۋانىپ، قاباق تىرجيتپاستان قايتا قۋالاپ جۇگىرە جونەلەر ەدىك. ال سەن ەكى ءتۇسىپ- شىققانعا قينالدىڭ. ەندەشە، پارىزىمدى قالاي وتەمەكسىڭ؟!؟، - دەگەن ەكەن...
blogtime.kz
