حالىقارالىق كۇنتىزبەدە جاڭا اتاۋلى كۇن پايدا بولدى

 شەتەلدىك جانە وتاندىق مامانداردىڭ ايتۋىنشا، مي - ادامنىڭ ەڭ ماڭىزدى جانە اسا كۇردەلى مۇشەسى. ول ميلليونداعان «ەلەكتر جەلىلەرىنەن» - اكسونداردان تۇرادى. ال ولاردىڭ جالپى ۇزىندىعى جەر شارىن ءتورت وراپ الۋعا جەتەدى. ادامنىڭ ميىندا 8 ملرد. جۋىق نەيروندار بار. ال ولاردىڭ اراسىنداعى 10 ترلن. جۋىق بايلامدار بىزگە قوزعالۋعا، قاراۋعا، وقۋعا، جازۋعا، ويلاۋعا، سەزىنۋگە جانە باسقا دا ارەكەتتەر جاساۋعا مۇمكىندىك بەرەدى.

وكىنىشكە قاراي، ميدى زاقىمدايتىن اۋرۋلار الەمدە جىل ساناپ كوبەيىپ جاتىر. ولار - ينسۋلت، ەپيلەپسيا، مي ىسىگى، جاراقاتتار، ىندەتتەر، التسگەيمەر دەرتى، باس اۋرۋ، تورىعۋ، ۇيقىنىڭ بۇزىلۋى جانە ت. ب. ال الكوگول، ەسىرتكى، تەمەكى تارتۋ، ەكولوگيانىڭ ناشارلىعى، كۇيزەلىستەر مەن دۇرىس تاماقتانباۋ ميدى زاقىمدايدى.

نيەۆرولوگتاردىڭ پىكىرىنشە، الەمدە ءاربىر ءۇشىنشى ادام ءوز ومىرىندە كەز كەلگەن جاسىندا ينسۋلت الۋى مۇمكىن. ميدى زاقىمدايتىن اۋرۋلاردى الدىن الۋ ءۇشىن ءاربىر ادام سالاماتتى ءومىر سالتىن ۇستانۋى كەرەك. سونىمەن قاتار كىتاپ وقۋ، ءسوزجۇمباقتاردى شەشۋ، ەستە ساقتاۋ قابىلەتىن دامىتۋ جانە بولاشاققا سەنىممەن قاراۋ ميدىڭ جاقسى جۇمىس ىستەۋىنە سەپتىگىن تيگىزەدى.

قازاقستاندىق نيەۆرولوگتار بۇكىل الەمدىك مي كۇنىنە قاراي ارنايى باعدارلاما ازىرلەپ جاتىر. ول باعدارلاما بويىنشا مامانداردىڭ كەزدەسۋى، باسپا ءسوز ءماسليحاتى، ق ر سۋرەتشىلەر وداعىمەن بىرلەسىپ جاسالعان «مەنىڭ ميىم» اتتى تاقىرىپتىق كورمە جانە بۋكلەتتەر تاراتۋ بويىنشا فلەش- موب ۇيىمداستىرىلادى.

سونداي-اق بۇل كۇنى قالانىڭ ەڭ ۇزدىك نيەۆرولوگتارى تەگىن اقىل-كەڭەستەر بەرەدى. اتالمىش شارالار الماتى قالاسىندا 21-22- شىلدە ارالىعىندا وتەدى.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى