قاز ا ت ۋ بازاسىندا قىتايمەن بىرلەسكەن اۋىلشارۋاشىلىعى زەرتحانالار جەلىسى اشىلادى - فوتو

« 2014 - جىلدىڭ قاراشا ايىنا دەيىن ءبىز ۆەتەريناريالىق زەرتحانا قۇرۋعا نيەتتىمىز، وعان قاجەتتى جابدىقتارقازىرگى كۇنى قازاقستان مەن قىتاي شەكاراسىندا تۇر. توقتالا كەتەتىن جايت، قىتاي تاراپى وسى ماقساتتارعا 500 مىڭ دوللار ءبولىپ وتىر. سونىمەن قاتار، 2015  - جىلعى مامىر ايىنىڭ سوڭىنا دەيىن اتالعان 4 زەرتحانانى قۇرۋ جۇمىستارى تولىق اياقتالماق»، - دەيدى س. سەيفۋللين اتىنداعى قاز ا ت ۋ رەكتورى اقىلبەك كۇرىشبايەۆ. ونىڭ ايتۋىنا قاراعاندا، زەرتحانا سالۋعا بايلانىستى شىعىنداردىڭ 75 پايىزىن قىتاي تاراپى كوتەرمەك. بۇل رەتتە كەلىسىم اياسىندا پروفەسسورلىق-وقىتۋشى قۇرامنىڭ، ماگيسترانتتار مەن دوكتورلاردىڭ ءوزارا تاجىريبە الماسۋى دا قاراستىرىلادى.

ءوز كەزەگىندە قىتاي حالىق رەسپۋبليكاسى اۋىل شارۋاشىلىعى ۆيتسە-ءمينيسترى چجان لايۋ كەلىسىمگە قول قويۋ ق ح ر ءتوراعاسى شي جينپيننىڭ قازاقستانعا ساپارى بارىسىندا كوتەرىلگەن «جىبەك جولى بويىندا ەكونوميكالىق بەلدەۋ قۇرۋ» تۋرالى باستاماسىن جۇزەگە اسىرۋعا سەپتىگىن تيگىزەتىنىن اتاپ ءوتتى.

ونىڭ سوزىنە قاراعاندا، كەلىسىم اياسىنداعى زەرتحانالار نەگىزىندە تەحنو پارك تە قۇرۋ كوزدەلەدى. «وسىنىڭ ءوزى قازاقستان مەن قىتاي قاتىناستارىنىڭ ودان سايىن بەكي تۇسۋىنە ىقپال ەتپەك»، - دەدى چجان لايۋ.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى