مۇعالىمدەر مەن دارىگەرلەردىڭ مارتەبەسىندە وزگەرىستەر بولادى
«ەگەر قولدانىستاعى ەڭبەك اقى تولەۋدىڭ ادىسىنە توقتالاتىن بولساق، بۇگىندە ءبىر كاتەگوريادا باسشى مەن جۇمىسشى قاتار تۇرۋى مۇمكىن. بۇل ءوز كەزەگىندە بىرەۋى باسشىلىق قىزمەتتى، كەيبىرى نەگىزگى جۇمىستى، سونداي-اق بىرەۋلەرى اكىمشىلىك قىزمەتتى اتقارۋىنا قاراماستان، بارلىعىندا بىردەي قىزمەتتىك جالاقىنىڭ بولۋىنا الىپ كەلدى. وسى ورايدا ەڭبەكتى ىنتالاندىرۋ دەڭگەيى تومەندەدى»، - دەدى مينيستر.
ال جاڭا مودەلدە ازاماتتىق قىزمەتشىلەردىڭ لاۋازىمدارىن ولاردىڭ اتقاراتىن جۇمىستارىنا قاراي ءبولۋ كوزدەلگەن. بۇندا لاۋازىمدار بىلىمگە، بىلىكتىلىككە، ورىندايتىن جۇمىستىڭ كۇردەلىلىگى مەن دارەجەسىنە قاراي جىكتەلەدى.
«باسقارۋشىلىق قىزمەتتى اتقاراتىن ازاماتتىق قىزمەتشى ەندى «نەگىزگى پەرسونال» بلوگىندا بولادى. پروفيلدىك قىزمەتتەردى ورىندايتىندار، مىسالى، اۋرۋحاناداعى دارىگەرلەر مەن مەكتەپتەردەگى وقىتۋشىلار «نەگىزگى پەرسونال» بلوگىنا ەنگىزىلەدى. ەگەر وسى ۇيىمداردا ەڭبەك جاعدايىن قامتاماسىز ەتىپ وتىرعان ازاماتتىق قىزمەتشىلەر، ياعني ەكونوميستەر، بۋحگالتەرلەر، زاڭگەرلەر جانە باسقالارى «اكىمشىلىك پەرسونال» بلوگىنا قارايدى. تورتىنشىدەن، «تەحنيكالىق پەرسونالدا» تەحنيكالىق جۇمىسشىلار قامتىلادى»، - دەپ ءتۇيدى ول.
اۆتور: رۋسلان عابباسوۆ
