ۋكرايناداعى جاعداي بويىنشا قازاقستان مەن قىرعىزستاننىڭ ۇستانىمى ءبىر - ەرلان ىدىرىسوۆ
بۇل تۋرالى بۇگىن ىستىقكول وبلىسىنىڭ چولپون- اتا قالاسىندا قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ قىرعىزستان رەسپۋبليكاسىنىڭ س ءى م ەرلان ابدىلدايەۆپەن كەزدەسۋ بارىسىندا مالىمدەدى.
«ءبىز زورلىقتى قابىلداي المايمىز جانە ۋكرايناداعى تۇراقسىزدىققا الاڭداۋلىمىز. ەكى ەل اراسىندا بەيبىت كەلىسسوزدەر دامىسا ەكەن دەپ ۇمىتتەنەمىز» ، - دەدى مينيستر.
قازاقستاننىڭ سىرتقى ىستەر ءمينيسترى قازاقستاندىقتار ۋكرايناداعى جاعدايدى قيىن قابىلدايتىنىن، ويتكەنى قازاقستاندا 300 مىڭ ۋكرايندىق تۇراتىنىن ايتتى.
«ازاماتتارىمىزدىڭ قايعىسىنا ورتاقتاسامىز. رەسەي مەن ەۋروپانىڭ ساياسي ليدەرلەرى كەلىسسوزدەر جۇرگىزىپ جاتقاندىعى ءۇمىت وتىن ۇيالاتادى. ۋكراينادا بەيبىتشىلىك ورنايدى دەپ ۇمىتتەنەمىز» ، - دەدى ەرلان ىدىرىسوۆ.
ەسكە سالا كەتەيىك، قازاقستاننىڭ سىرتقى ىستەر ءمينيسترى رەسمي سارپارىمەن قىرعىزستاندا ءجۇر. بۇگىن چولپون- اتا قالاسىندا «2014-2015 - جىلدارعا ارنالعان قازاقستان رەسپۋبليكاسىنىڭ س ءى م مەن قىرعىزستان رەسپۋبليكاسىنىڭ س ءى م اراسىنداعى ىنتىماقتاستىق باعدارلاماسىنا» قول قويىلدى.
