قازاقستاندىق وقۋشىلاردىڭ قابىلەتىنە تاڭدانامىن - فيزيكادان حالىقارالىق وليمپيادا پرەزيدەنتى

«قازاقستاننىڭ وقۋشىلارى حالىقارالىق ارەنادا ءوز ەلدەرىنىڭ نامىسىن ءساتتى قورعاپ كەلەدى. عىلىمي جارىستاردىڭ بىرىندە قازاقستاندىق وقۋشىلار 25 مەدالدىڭ 24 ىن ولجالاپ، ەل مەرەيىن وسىرگەنى ءالى ەسىمىزدە.

ماسەلەن، حالىقارالىق فيزيكا وليمپياداسىندا 2009 - جىلى قازاق وقۋشىلارى 2 التىن يەلەندى، 2011 - جىلى 3 التىنعا قول جەتكىزدى. بۇل وتە تاماشا كورسەتكىش. ەگەر مەنىڭ ەلىممەن سالىستىراتىن بولساق، گوللانديادا التىن يەلەنۋ جونىندە مۇلدەم ويلامايمىز، ول ارمان بولىپ ەسەپتەلەدى. قولا الساق، سونىڭ ءوزى قۋانىش» ، - دەيدى حانس يوردانس.

ونىڭ سوزىنە قاراعاندا، بۇل ەلدەگى ءبىلىم بەرۋ سالاسىنىڭ جوعارى دەڭگەيىن كورسەتەدى.
  «مەن قازاق بالالارى وزگە ۇلت وقۋشىلارىنان وزگەرەك دەپ ايتا المايمىن. بۇل الدىمەن ءبىلىم بەرۋ جۇيەسىنىڭ ساپاسىنا، دايىندىققا جانە باپكەرلىك قۇرامعا بايلانىستى. سوندىقتان مەن وقۋشىلارىڭىزدىڭ وليمپياداداعى ونەرىنە ءتانتىمىن. ارينە، بۇل دايىندىققا بايلانىستى، ءبىراق سونىمەن بىرگە ونىڭ بويىندا قايناپ جاتقان شابىت بولۋى شارت» ، - دەيدى ول.

 ەستەرىڭىزگە سالا كەتەيىك، 45- حالىقارالىق فيزيكا وليمپياداسى 21 - شىلدەگە دەيىن وتەدى. وليمپياداعا الەمنىڭ 85 ەلىنەن 700 دەي وقۋشى قاتىسۋدا.

اۆتور:   جاسۇلان جولدىبايەۆ    

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى