ەڭ جىرتقىش بالىقتار - فوتو
تارعىل بالىق. بۇل تۇردەگى بالىق ازۋلىلىعىمەن، ءتىسىنىڭ وتكىرلىگىمەن ەرەكشەلەنەدى. ادەتتە، اۋزىنىڭ ۇلكەندىگىنە وراي جىلانبالىقتى دا جۇتىپ جىبەرە الادى.
قىزىل قارىندى تارعىل بالىق. بۇل ادەتتە امازون دارياسىندا ءومىر سۇرەدى. ولجاسىن توپتاسىپ اۋلايدى. تىستەرى وتە وتكىر بولعاندىقتان، نىساناعا العان بالىقتى ءاپ-ساتتە ءبولىپ اكەتەدى. جىرتقىشتىعى سەبەپتى «تەڭىز قورقاۋى» دەپ تە اتالادى.
پيپا بالىعى. بۇل تۇردەگى بالىقتار ادەتتە ۇلى تەڭىز بەن مۇحيتتاردا ءومىر سۇرەدى. دەنە ۇزىندىعى 60 س م. سىرتقى تۇرپاتى وتە قورقىنىشتى بولىپ، ونى كوبىندە «توزاقتان كەلگەن الباستى بالىق» دەپ اتايدى. دەنەسىندە ۇساق تىكەندەر بولادى. باس بولىمىنەن شىعاتىن نۇر ارقىلى ءوز ولجاسىن باۋرايدى. ال ولجاسى جاقىنداعان ساتتە-اق بىردەن شابۋىلعا وتەدى.
ازۋلى پيپا بالىعى. ادەتتەگى تىستەرىنەن باسقا تاڭدايىندا دا وتكىر تىستەرى بولادى. ءتىسى اۋىز قۋىسىنا قاراي ءيىلىپ تۇراتىندىقتان، ادەتتە ءوز ولجاسىن شايناپ ولتىرەدى. بۇل تۇردەگى بالىق «تەڭىز استىنداعى قىرعىنداعىش ماشينا» دەپ تە اتالادى. ولاردىڭ تاڭداي جانە اسقازان بولىگى ءىسىنىپ، كەۋىپ تۇراتىندىقتان ءوز دەنەسىنەن الدە قايدا ۇلكەن بالىقتاردى تۇگىن قالدىرماي جۇتىپ جىبەرەدى.
موراي بالىعى. بۇل بالىقتىڭ ۇزىندىعى 4 مەترگە تاياۋ. ادەتتە، سۋ استىنداعى قادا تاستارعا جاسىرىنىپ، ءوز ولجاسىنا تىنىش قالىپتا جاقىندايدى. كۇشتى ازۋى مەن تاڭدايى شابۋىلداعان ولجاسىن ءتىرى قالدىرمايدى. ادامدارعا دا شابۋىل جاسايدى. وتكىر تىستەرىندە ۋلى باكتەريالار بولعاندىقتان، جارالى قالعان ولجاسىنىڭ دا ءتىرى قالۋى مۇمكىن ەمەس.
جاسىل موراي بالىعى. بۇل تۇردەگى بالىق تەك ءتۇن ىشىندە عانا شابۋىلعا شىعادى. موراي بالىعى سەكىلدى مۇنىڭ دا دەنە تۇرقى ىرىلەۋ. ءبىراق، شابۋىلى وتە تەز. ولجاسىن تابان استىندا ولتىرۋگە تىرىسادى.
جولبارىس بالىق. ۇزىندىعى ەكى مەترگە تاياۋ. بۇگىنگە دەيىن ەڭ تانىمال جىرتقىش بالىقتىڭ ءبىرى. بۇل بالىقتان كوپتەگەن ءبىراز سۋلى ايماقتارداعى ادامداردىڭ ءوزى زارداپ شەگەدى. ەڭ باستى قارۋى - وتكىر تىستەرى.
دايىنداعان: الشىن ماتاي
massaget.kz
