تۋريستىك ۇيىمدار مەن تاسىمالداۋشىلار جۇمىسىن قاداعالايتىن توپ قۇرىلادى
قازىرگى كەزدە ازاماتتىق اۆياتسيا كوميتەتى مۇددەلى مەملەكەتتىك ورگانداردان، ۇلتتىق كاسىپكەرلەر پالاتاسىنان، تۋريستىك ۇيىمدار مەن اۆياكومپانيالاردان كوميسسياعا كىرەتىن كانديداتۋرالارىن كۇتۋدە.
جۇمىس توبىنىڭ نەگىزگى ماقساتى - تۋريستىك كومپانيالاردىڭ كليەنتى بولىپ تابىلاتىن قازاقستان ازاماتتارىن كۇيزەلىسكە ۇشىراتاتىن قيىن جاعدايلاردى بولدىرماۋ. تۋريستەردىڭ مۇددەلەرىن قورعاۋ ماقساتىندا جۇمىس توبى كولىك سالاسىنا، ونىڭ ىشىندە تاسىمالداۋشىلارعا قاتىستى زاڭناماعا وزگەرىستەر ەنگىزۋ جۇمىسىن جالعاستىرىپ، اتالعان سالانى جەتىلدىرۋ جونىندە ۇسىنىستار بەرەتىن بولادى.
«جۇمىس توبىن قۇرۋ تۋريستىك ۇيىمدار مەن تاسىمالداۋشىلار جۇمىسىنداعى كەزدەسەتىن سايكەسسىزدىكتەردى ايقىنداۋعا كومەكتەسەدى. كولىك جانە كوممۋنيكاتسيا مينيسترلىگى ءوز قۇزىرىندا حالىقتىڭ ءومىرى مەن دەنساۋلىعىنا قاتەر توندىرمەي قاۋىپسىز ۇشۋلاردى قامتاماسىز ەتۋ ءۇشىن بارلىق جاعداي جاساپ وتىرعانىنا ەرەكشە كوڭىل اۋدارىپ وتىر»، - دەپ ازاماتتىق اۆياتسيا كوميتەتىنىڭ ءتوراعاسى بەكەن سەيداحمەتوۆ اتاپ ءوتتى.
