الاماندا ادام ءولدى
«ساندىقتاۋ اۋدانى ا ءى ءى ب ات جارىسىنا قاتىسقان بەستوبەلىك كامەلەتكە تولماعان شاباندوزدىڭ ءولىمى بويىنشا قىلمىستىق ءىس قوزعالدى. قىلمىستىق ءىس 138- باپ 2-ءبولىمى (بالالاردىڭ دەنساۋلىعى مەن ءومىر قاۋىپسىزدىگىن ساقتاۋ بويىنشا مىندەتتەرىن ءتيىستى ورىنداماۋى) بويىنشا قىلمىستىق ءىس قوزعالدى»، - دەلىنگەن دۇيسەنبىدەگى حاباردا.
ەسكە سالساق، ات سپورتىنىڭ ۇلتتىق تۇرلەرى بويىنشا رەسپۋبليكالىق فەدەراتسيا ۇيىمداستىرعان اقمولا وبلىسىنداعى ات جارىسىندا 10 شاقىرىمدىق توپ-بايگە كەزىندە اقمولا وبلىسى بەستوبە اۋىلىنىڭ 14 جاسار شاباندوزى داۋرەن تلەۋبەرگەنوۆ قازا تاپتى. قاتتى شاۋىپ كەلە جاتقان اتى ءسۇرىنىپ كەتىپ، ۇستىنەن ۇشىپ كەتكەن شاباندوزدىڭ ۇستىنە قۇلاعان. دارىگەرلەر جاس ءوسپىرىمدى قۇتقارا المادى.
وسى جارىستا قاراعاندىنىڭ 1997 - جىلى تۋىلعان تاعى ءبىر شاباندوزى جاراقاتتاندى. ول قازىر بالكاشينو س. و ا ا-عا جەتكىزىلدى.
«قازتاگ»
