قىتاي عالىمدارى قولىن سوزادى
شارا بارىسىندا س. سەيفۋللين اتىنداعى قاز-اتۋ، قىتاي اۋىل شارۋاشىلىق عىلىمدارى اكامەدياسىنىڭ (بەيجىڭ قالاسى) جانە شىنجاڭ اگرارلىق ۋنيۆەرسيتەتىنىڭ (ءۇرىمجى قالاسى) اراسىنداعى ارىپتەستىكتى دامىتۋ تۋرالى كەلىسىم قول جەتكىزىلمەك. اتالمىش كەلىسىم شارت نەگىزىندە استاناداعى س. سەيفۋللين اتىنداعى قازاق اگروتەحنيكالىق ۋنيۆەرسيتەتىندە بازاسىندا اۋىل شارۋاشىلىق بيوتەحنولوگيالار زەرتحانالارىن اشۋ، اۋىل شارۋاشىلىق ونىمدەرىنىڭ قاۋىپسىزدىگىن باعالاۋ، اۋىل شارۋاشىلىق ماشينالارىن مەن قۇرىلعىلارىن جوبالاۋ سىندى كەشەندى باعىتتاردا بىرلەسكەن جۇمىستار اتقارىلماق.
كەلىسىمنىڭ تاعى ءبىر باستى ەرەكشەلىگى ول ا و ك -ءنىڭ عىلىمي سالالارىندا بىرلەسكەن زەرتتەۋ جۇمىستارىن بىرلەسە اتقارۋ، ولاردى پراكتيكاعا دەندەپ ەندىرۋ شارالارىن اتقارۋ بولىپ تابىلادى. 2015 - جىلدىڭ باسىنان باستاپ جىلىنا كەم دەگەندى ءبىر عىلىمي جوبانى ەنگىزۋ قولعا الىنباق.
وسى ورايدا، ەرەكشە ايتىپ وتەر جايت - س. سەيفۋللين اتىنداعى قاز-اتۋعا قىتاي تاراپىنىڭ تاڭداۋى ءتۇسۋى تەگىن ەمەس. سەبەبى، ءبىزدىڭ ۋنيۆەرسيتەت بازاسىندا قازاقستان رەسپۋبليكاسىنداعى تۇڭعىش حالىقارالىق دەڭگەيدەگى اگرارلىق زەرتتەۋ ۋنيۆەرسيتەتى قۇرىلۋدا. بۇگىنگى تاڭدا ەكى جاق اراسىندا بىرلەسكەن عىلىمي جوبالار، ءوزارا ارىپتەستىك تۋرالى كەشەندى جۇمىس باعدارلاماسى جاسالعان.
مەموراندۋمعا قول قويۋ راسىمىنە «س. سەيفۋللين اتىنداعى قاز-اتۋ» ا ق-ىنىڭ باسقارما ءتوراعاسى اقىلبەك قاجىعۇل ۇلى كۇرىشبايەۆ، قىتاي اۋىلشارۋاشىلىق عىلىمدارى اكادەمياسىنىڭ ۆيتسە-پرەزيدەنتى دجيك سيانگ لي جانە شىنجاڭ اگرارلىق ۋنيۆەرسيتەتىنىڭ پرورەكتورى- حاتشىسى باچەنگ لي قاتىسادى دەپ كۇتىلۋدە.
«ايقىن»
