قازاقستاندىق پروفەسسور نوبەل مەدالىنە يە بولدى
دەپ حابارلادى Remarka.kz.
ارقالىق مەملەكەتتىك پەداگوگيكالىق ينستيتۋتىنىڭ جاراتىلىستانۋ جانە اقپاراتتاندىرۋ فاكۋلتەتىنىڭ دەكانى، پروفەسسور ءابىلحان ۇمبەت ۇلى 2012 - جىلى قازاقستانداعى ج و و- لاردىڭ ۇزدىك 200 وقىتۋشىسىنىڭ قاتارىنا ەنگەن. وسى جىلدىڭ باسىندا «عىلىم» اتالىمىندا وبلىستىق مەسەناتتار كلۋبى سىيلىعىنىڭ يەگەرى اتاندى.
ەندى قازاقستاندىقتىڭ عىلىمعا قوسقان ۇلەسىن حالىقارالىق دەڭگەيدە اڭعاردى. ارقالىق تۇرعىنى رەسەي جاراتىلىستانۋ اكادەمياسىنىڭ سىيلىعى - فيزيكا سالاسىنداعى ونەرتاپقىشتىقتى دامىتۋدا قوسقان ۇلەسى ءۇشىن نوبەلدىڭ التىن مەدالىنە قول جەتكىزدى. «لازەرلىك ولشەم قۇرىلىسى» اتتى عىلىمي زەرتتەۋ جۇمىسى دا بۇل سىيلىقتى الۋعا سەبەپ بولدى.
الفرەد نوبەل اتىنداعى مەدال رەسەي جاراتىلىستانۋ اكادەمياسىنىڭ اتىنان ۇزدىك عىلىمي جۇمىستار، جاڭالىقتار ءۇشىن تاعايىندالادى.
