ۆيكتور حراپۋنوۆتىڭ ۇلىنا ىزدەۋ جاريالاندى

كىشى حراپۋنوۆ ۇيىمداسقان قىلمىستىق توپ قۇرىپ، الاياقتىقپەن اينالىستى دەگەن كۇدىككە ىلىنگەن. ينتەرپول ءىلياستىڭ قانداي ءبىر كۇماندى ىستەرى تۋرالى بىلەتىندەردىڭ حابارلاسۋىن ءوتىنىپتى.

ءبىراق ءبىر قىزىعى قوناق ءۇي بيزنەسىمەن اينالىساتىن ءارى شۆەيتسارياداعى ەڭ باي ادامداردىڭ ءبىرى - 30 جاستاعى ءىلياس حراپۋنوۆ قايدا تۇرىپ جاتقانىن ەشقاشان جاسىرعان ەمەس. ينتەرپول قازاقستاننىڭ ءوتىنىشى بويىنشا، ءىلياستان بولەك، ونىڭ اكەسى ۆيكتور مەن اناسى لەيلا حراپۋنوۆتارعا دا ەكى جىل بۇرىن ىزدەۋ جاريالاعان.

الايدا باتىس اقپارات قۇرالدارىنا وڭدى-سولدى سۇحبات تاراتىپ جۇرگەن بۇل ەكەۋىنىڭ قولىنا ءالى كۇنگە دەيىن كىسەن سالىنبادى. الاتاۋ بوكتەرىندەگى جەردى گەكتارلاپ، مەملەكەت مەنشىگىندەگى عيماراتتاردى ونداپ ساتىپ، 300 ميلليون دوللارمەن شۆەيتساريا اسقان ۆيكتور حراپۋنوۆتىڭ جۋىردا عانا ايەلىمەن اجىراسقالى جاتقانى دا ءمالىم بولعان. ايتا كەتسەك، حراپۋنوۆتاردىڭ ۇلكەن قىزى ەلۆيرا دا وسى شۆەيتساريادا تۇرادى. جانە وسى ەلدىڭ ەڭ باي ازاماتتارىنىڭ تىزىمىندە ءجۇر.

ktk.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى