شەتەلدەن «بالىق قابىرشاقتى» بالا ەلگە ورالدى
تولىعىمەن جازىلماۋىنىڭ سەبەبى - تۇقىم قۋالايتىن بۇل اۋرۋدىڭ ازىرگە ەمى جوق ەكەن. سوندىقتان شەتەلدىك دارىگەرلەر ونىڭ تەرىسىن ءتۇرلى جاقپا مايلاردىڭ كومەگىمەن ىلعالداندىرعان.
«سونىڭ ارقاسىندا جاسۇلان ءوزىن سەرگەك سەزىنىپ، سۋعا دا ەركىن شومىلاتىن بولدى» ، - دەيدى اناسى. الايدا، ەم- دوم شارالارى مۇنىمەن اياقتالعان جوق. ەندى ەكى ايدان كەيىن جاسۇلان اناسىمەن بىرگە تاعى دا اتالمىش ەلگە بارىپ، قوسىمشا تەكسەرىستەن وتەدى.
«بالامنىڭ قان قۇرامىنان ءبىر گەن جەتىسپەيتىندىگى انىقتالدى. ونى ورنىنا كەلتىرۋ ءۇشىن ەمدى جالعاستىراتىن بولامىز. 15 كۇن ءىش قۇرىلىسىن ەمدەدى. سوڭعى كەزدە جۇرەگى السىرەپ، ءجيى سوعاتىن. سونىڭ ءبارىن زەرتتەدى، ەم جۇرگىزدى» ، - دەدى جاسۇلاننىڭ اناسى ءۇلبيبى ىقىلاسوۆا.
ايىقپاس اۋرۋعا شالدىققان بەس جاسار بالاقايدىڭ شەتەلگە شىعىپ ەم قابىلداۋىنا جاناشىر جاندار قول ۇشىن سوزعان ەدى. سونىڭ ارقاسىندا جاسۇلاننىڭ ەسەپشوتىنا سەگىز ميلليون تەڭگە جينالىپ، شەتەلگە اتتانعان بولاتىن. بۇل قارجىدان ارتىلعان ءبىر ميلليون تەڭگەنى اناسى الداعى ۋاقىتتا ءدارى- دارمەك الۋعا جۇمساماقشى، دەپ حابارلايدى جەتىنشى ارنا.
