سەنى، تاڭ نامازىنا وياتاتىن سەگىز سەبەپ

 وسمان يبن اففان (اللاھ وعان رازى بولسىن) بىلاي دەپ كۋالىك ەتەدى: مەن پايعامبارىمىزدىڭ (وعان اللاھتىڭ يگىلىگى مەن سالەمى بولسىن) بىلاي ايتقانىن ەستىدىم: «كىم، كۇپتان نامازىن جاماعاتپەن بىرگە وقىسا، وندا ول ءتۇننىڭ تەڭ جارتىسىن قۇلشىلىقپەن وتكىزگەندەي بولادى، ال تاڭ نامازىن جاماعاتپەن بىرگە وقىعان ادام ءتۇنى بويى قۇلشىلىق جاساعانمەن تەڭ». («ساحيح مۋسليم»، 260/656).

2. تاڭ نامازىن وقىعان ادام اللاھتىڭ قامقورلىعىندا بولادى.

پايعامبارىمىز (وعان اللاھتىڭ يگىلىگى مەن سالەمى بولسىن): «تاڭ نامازىن وقىعان ادام اللاھتىڭ پاناسىندا بولادى جانە اللاھ ول ءۇشىن ەش نارسە تالاپ ەتپەيدى» - دەگەن. («ساحيح مۋسليم»، 261/657)

3. ادام تاڭ نامازىن مەشىتتە، جاماعاتپەن بىرگە وقۋدى ادەتكە اينالدىرسا، وندا وعان قيامەت كۇنى سىيعا نۇر تارتىلادى.

پايعامبارىمىز (وعان اللاھتىڭ يگىلىگى مەن سالەمى بولسىن): «اللاھ تۇندە (قاراڭعىدا) مەشىتكە بارعان ادامنىڭ ءجۇزىن قيامەت كۇنى نۇرلاندىرادى» - دەگەن . («سۋنان يبن ءماجا»، 781).

4. تاڭ نامازىن مەشىتتە، جاماعاتپەن بىرگە وقىعان ادام، ءسوزسىز ءجانناتقا كىرەدى.

پايعامبارىمىز (وعان اللاھتىڭ يگىلىگى مەن سالەمى بولسىن):  «ءال - باردايندى ورىنداعان ادام - ءجانناتتىق»، - دەدى. ءال - بارداين - تاڭ نامازى (ءفاجر) جانە ەكىنتى نامازى (اسر) . («ساحيح ال-بۋحاري»، 548/549).

5. تاڭ نامازىن قالاۋ ۇيقىدان ارتىق جانە ول تاعدىردى جەڭىلدەتەدى.

پايعامبارىمىز (وعان اللاھتىڭ يگىلىگى مەن سالەمى بولسىن) بىلاي دەپ ايتقان: «تاڭعى ۇيقى ادامنىڭ ىرىسىن ازايتادى» («ءال- جامي ۋس- ساعير»، 5129) . ونىڭ ءمانى: تاڭ نامازى مەن كۇننىڭ شىعۋ ۋاقىتى زىكىر جاسايتىن ۋاقىت. اللاھتى ەسكە الاتىن كەز. يبن قاييم وسىعان بايلانىستى بىلاي دەگەن: «تاڭعى ۇيقى بەرەكەتتى قاشىرادى. ونىڭ سەبەبى - بۇل ۋاقىت ريزىق بولىنەتىن ۋاقىت».

6. تاڭ نامازىن وقۋ - بۇكىل الەمنىڭ بايلىعىن قولىڭا ۇستاعاننان ارتىق.

پايعامبارىمىز (وعان اللاھتىڭ يگىلىگى مەن سالەمى بولسىن): «تاڭ نامازىنىڭ ەكى راكاعاتى (سۇننەتى) بۇكىل الەم مەن ونىڭ ىشىندەگى بار بايلىقتان ارتىق» - دەگەن. («ساحيح مۋسليم»، 96/725).

7. تاڭ نامازىن وقىعان ادامعا پەرىشتەلەر كۋالىك ەتەدى.

 پايعامبارىمىز (وعان اللاھتىڭ يگىلىگى مەن سالەمى بولسىن): «سەندەرگە تۇندە ءبىر پەرىشتەلەر، كۇندىز ءبىر پەرىشتەلەر الماسىپ كەلىپ تۇرادى. ولار تاڭ نامازى مەن اسر نامازىندا جينالىپ، سەندەرمەن تۇندە بىرگە بولعاندارى (كوككە) كوتەرىلەدى. سوندا (اللاھ) ءوزى جاقسى ءبىلىپ تۇرسا دا ولاردان: «پەندەلەرىمدى قانداي جاعدايدا تاستاپ كەلدىڭدەر؟» - دەپ سۇرايدى. ولار: «ءبىز ولاردى ناماز وقىپ جاتقاندارىندا تاستاپ كەلدىك، سونداي-اق ولار ءبىز ولارعا بارعانىمىزدا دا ناماز وقىپ جاتىر ەدى»، - دەسەدى»، - دەگەن. «ساحيح ال- بۋحاري»، 530)

8. تاڭ نامازىن وقىعان كىسىنى اللاھ تاعالا جارىلقايدى جانە وعان بەرەكە سىيلايدى.

پايعامبارىمىز (وعان اللاھتىڭ يگىلىگى مەن سالەمى بولسىن) ءوزى اللاھقا جالبارىنىپ: «ۋا اللاھ، ۇممەتىمنىڭ تاڭىن يگى (بەرەكەلى) ەتە گور»، - دەيتىن. (سۋننان ات - تيرميزي).

asylarna.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى