الماتىدا ەرەكشە وتا جاسالدى
رەسەيدىڭ وڭتۇستىك فەدەرالدى وكرۋگىنىڭ جەتەكشى تامىر حيرۋرگى ميحايل ماۆەلان الماتى حيرۋگتەرىنە تامىرعا وتا جاساۋ كەزىندە قولدانىلاتىن جاڭا ءتاسىلدى كورسەتتى.
ادام جانىنىڭ اراشاشىسى - دارىگەرلەردىڭ ارەكەتىن ب ا ق وكىلدەرى باقىلادى.
وتانى ءساتتى اياقتاعان دارىگەرلەردىڭ ايتۋىنشا، كۇردەلى وتانى باسىنان كەشىرگەن 46 جاستاعى الماتىلىق ازاماتقا ەندىگى كەزەكتە يشەميالىق ينسۋلت قاۋىپ توندىرمەيدى.
«قان تامىرلارىنىڭ اۋرۋلارى بۇگىنگى تاڭدا مۇگەدەكتىككە اكەپ سوعاتىن كۇردەلى دەرتتەردىڭ ءبىرى. قازىرگى تاڭدا حيرۋرگيالىق تۇرعىدان يشەميالىق ينسۋلت، مي قان اينالىمىنىڭ بۇزىلۋى، اتەروسكلەروز سىندى اۋرۋلاردىڭ الدىن الۋعا بولادى. ءبىز بۇگىن وسى باعىتتا قازاقستاندىق ارىپتەسىمىزدىڭ قاتىسۋىمەن شەبەرلىك سىنىبىن وتكىزىپ جاتىرمىز. ماقساتىمىز - تامىر حيرۋرگياسىندا قولدانىلاتىن جاڭا ءتاسىلدى قازاقستان مەديتسيناسىنا ەنگىزۋ. سول ارقىلى اتالعان دەرتتەن بولاتىن ءولىم-ءجىتىم، مۇگەدەكتىك سانىن ازايتۋ»، - دەدى دونداعى روستوۆ قالاسىنداعى وبلىستىق اۋرۋحانانىڭ ەندوسكوپيالىق حيرۋرگيا ءبولىمىنىڭ باسشىسى، مەديتسينا عىلىمدارىنىڭ دوكتورى ميحايل ماليەۆان.
بۇگىن اتالعان اۋرۋحانادا 3 ناۋقاسقا وتا جاساۋ جوسپارلانىپ وتىر. ولاردىڭ بارلىعىنىڭ ىشكى ۇيقى ارتەرياسىندا ءتۇرلى پروبلەمالار بار.
قازىرگى تاڭدا ينسۋلتقا قاتىستى ستاتيستيكا ماماندار اراسىندا ۇلكەن الاڭداۋشىلىق تۋعىزىپ وتىر. اتالعان دەرت مۇگەدەكتىككە اكەپ سوعاتىن اۋرۋلاردىڭ ىشىندە ءبىرىنشى ورىندى، ادام ءولىمى بويىنشا ءۇشىنشى ورىندى الىپ وتىر.
«مي قان اينالىمىنىڭ بۇزىلۋى جىلىنا 1 ميلليون ادامنىڭ ىشىندە 2 مىڭىندا كەزدەسەدى. ال ولاردىڭ بەستەن ءبىرىنىڭ ىشكى ۇيقى ارتەرياسى زاقىمدانعان»، - دەدى رەسەيلىك پروفەسسور م. ماليەۆان.
«ءبىزدىڭ ارۋحانادا جىل سوڭىنا دەيىن بىرنەشە شەبەرلىك سىنىپتارىن وتكىزۋدى جوسپارلاپ وتىرمىز. مۇندا بۇگىن الماتىنىڭ بارلىق مەديتسينالىق مەكەمەلەرىنەن ماماندار كەلدى. ولارعا مۇنداي تاجىريبە الماسۋلار كاسىبي شىڭدالۋىنا كومەكتەسەدى دەپ ويلايمىن»، - دەدى ورتالىق قالالىق كلينيكالىق اۋرۋحانانىڭ ديرەكتورى مارات ابدۋللايەۆ.
