قۇرىلىسى ەرەكشە اۋەجايلار - فوتو

بۇگىنگى تاقىرىبىمىزدى دا وسىنداي، ەرەكشە قۇرىلىسى بار اۋەجايلارعا ارناماقپىز. سونىمەن:

لۋكلا، نەپال

شىعىس نەاپلدىڭ، كحۋمبۋ اۋدانىندا، تەڭىز دەڭگەيىنەن 2,860 مەتر بيىكتىكتە ورنالاسقان. تاۋ شاتقالىنا سالىنعان بۇل اۋەجايدىڭ ەرەكشەلىگى، اۋماعىنىڭ تار بولعانىنا وراي، ۇشۋ-قونۋ جولىنىڭ «بۇكىر» بولۋىندا.

سەن-مارتەن اۋەجايى

الەمدەگى ەڭ قىسقا ۇشۋ-قونۋ جولى سەن-مارتەن ارالىنداعى يۋليانا حانشايىم اتىنداعى اۋەجايعا تيەسىلى. كولەمى جونىنەن دە اتالمىش ارال شاعىن عانا بولعانىمەن، ەكى مەملەكەتتىڭ قاراماعىنا قارايدى.

سولتۇستىك بولىگى فرانسۋز بيلىگىنە باعىنسا، وڭتۇستىگى گولونتتىقتار يەلىگىندە. ال اۋەجاي بولسا ەكەۋىنە دە ورتاق. جەر جەتپەگەندىكتەن ۇشاق جاعاجايدا دەمالىپ جاتقان ادامداردىڭ ۇستىنەن نە بارى ونشاقتى مەتر بيىكتىكتە عانا ۇشىپ وتەدى. بۇل ارينە دەمالۋشىلار مەن جولاۋشىلار ءۇشىن ىڭعايسىزدىق، قورقىنىش سەزىمىن تۋعىزعانىمەن دە، ءبىر ەسەپتەن، كوڭىل كوتەرۋدىڭ قوسىمشا ءبىر پاراسى رەتىندە قابىلدانادى.

مادەيرا ارالىنداعى اۋەجاي

ادام قيالىنىڭ ۇشقىرلىعىندا شەك جوق-اۋ ءسىرا. مادەيرا اتتى شاعىن ارال اۋەجايعا اسا قاتتى ءزارۋ بولاتىن. ءبىراق، جەر كولەمى وتتە شاعىن بولعاندىقتان، ۇشۋ-قونۋ جولىن ورنالاستىرۋ مۇمكىن ەمەستەي كورىنەتىن. قۇرىلىسشىلار اتالمىش ماسەلەنىڭ وڭتايلى شەشىمىن تابا بىلگەن ەكەن. تاۋلاردىڭ قورشاۋىندا جاتقان ارالدىڭ شەتكەرى بولىگىندەگى شاعىن عانا جولاقشانى تەگىستەپ، جاساندى جولمەن جابدىقتاپ، تولىق قاندى ۇشۋ-قونۋ جولاعىن جاساپ شىعارعان ەكەن.

سىرت كوزگە سۇلۋ كورىنگەنىمەن، جولاۋشىلار ۇشاقتىڭ جارتاستارعا قاراي قاتتى جىلدامدىقپەن باعىت الىپ كەلىپ، كەنەتتەن وڭعا قاراي جالت بۇرىلعانىن كەزىندە قورقىنىشتان كوزدەرىن جۇمادى ەكەن. ادرەنالين ىزدەپ جۇرگەن جاندار ءۇشىن تاپتىرمايتىن اۋەجاي دەۋگە بولادى.

گيربالتار اۋەجايى

وتكەن ماقالامدا گيسبورن اۋەجايى جەر جەتپەگەندىكتەن، تەمىر جولدى كوكتەي وتەتىندىگىن ايتقان بولاتىنمىن. ال ەندى گيبرالتار اۋەجايىن ءدال سونىڭ انالوگى دەۋگە بولادى. ءبىراق، بۇل جەردە ۇشۋ-قونۋ جولىن اۆتاكولىك جولى كەسىپ وتەدى ەكەن.

blogtime.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى