امانگەلدى كەرىمتايەۆ. اباي سىناعان ادەتتەردەن ارىلۋىمىز كەرەك
ونىمەن قوسا بۇگىن "ابايسىز" جۇرگەن قازاقتى كورىپ قىنجىلامىن.
اباي دانالىعىنان تاعلىم الۋدى بىلاي قويىپ، ونى بىلمەيتىن جاستاردى كورىپ، تۇڭىلۋگە دەيىن باراسىڭ. قارا ءسوزىنىڭ بىرىندە اباي: "قازاق ءوز اۋلىنداعى ءبىلىمدىنى مويىندامايدى، ءبىر بەلدىڭ استىنداعى بىرەۋدى دانىشپان دەسە سوعان ات سابىلتادى، ارۋاق كوتەرىپ، ءپىر تۇتادى. ال، سول بەل استىنداعى "دانىشپاننىڭ" ءوزىنىڭ قاسىنداعى ءبىلىمدىنىڭ قولىنا سۋ قۇيا المايتىنىن بىلمەيدى"- دەپ سىناعان.
وسىنداي ەم قوناقتامايتىن دەرتتەن قازاق كۇنى بۇگىنگە دەيىن ارىلا الماي-اق كەلەدى. شىنىندا قازاقتىڭ ءوز ىشىندە توپ جارعان تارلان بوزدار بۇرىن دا تابىلعان، كەلەشەكتە دە تابىلا بەرەتىنىنە سەنەمىن. وعان سەندىرەتىن قۇدىرەتتىڭ ءوزى سول اباي. تەك ءبىز اباي سىناعان ادەتتەن قۇتىلۋعا تالپىنۋىمىز كەرەك. وسى ادەتتەن قۇتىلعان كۇنى ەل بىرلىگىنىڭ، ۇلت قۋاتىنىڭ ارتا تۇسەتىنىنە كۇمانىم جوق. جاستارعا دا كۇماندانباۋعا كەڭەس بەرەر ەدىم.
(امانگەلدى كەرىمتايەۆتىڭ فەيسبۋكتەگى پاراقشاسىنان الىندى)
