شۇعىل: اقمولا وبلىسىندا پوليسيا قىزمەتكەرى ەكى ادامدى قاعىپ ءولتىرىپ، كەيىن ءوزى اسىلىپ قالدى
قايعىلى وقيعا بۋراباي كەنتىندە ورىن العان. كۋاگەرلەردىڭ ايتۋىنشا، پاترۋلدىك جول پوليسياسىنىڭ قىزمەتكەرى ەكى ادامدى سوعىپ كەتكەن. سوققىنىڭ قاتتى بولعانى سونشا، زارداپ شەككەن ەكى ادام دا سول جەردە تىلگە كەلمەستەن جان ءتاسىلىم ەتكەن. ال سوققان پوليسيا قىزمەتكەرى وقيعا ورنىنان ءىزىن سۋىتقان. الايدا، ول كوپ ۇزاماي اسىلىپ، وزىنە قول سالدى.
بولعان وقيعانى بۋراباي اۋداندىق ءى ءى ب باسشىسىنىڭ ورىنباسارى ەربول ەگىنبايەۆ قازاقپارات تىلشىسىنە راستادى. قازىرگى كەزدە اتالعان فاكتىگە بايلانىستى تەرگەۋ امالدارى جۇرگىزىلىپ جاتقان كورىنەدى.
اۆتور: اسلان وسپانوۆ
