شىعىس قازاقستان وبلىسىندا كەلەر جىلى كەمە جۇزەتىن ءشۇلبى شليۋزى ىسكە قوسىلادى
قازىرگى كەزدە بۇل نىساندا قورعاۋشى گيدرو تەحنيكالىق قۇرىلعىنىڭ نەگىزگى ەلەمەنتتەرىن قۇراستىرۋ جۇمىستارى جۇرگىزىلۋدە. وسىمەن قاتار قۇراستىرۋ جۇمىستارى ءۇشىن جابدىقتار مەن مەتال قۇرامالارى ازىرلەنۋدە.
2013 - جىلى كەلىسىم-شارت جاسالعان «يرتىشگەسستروي» ج ش س مەردىگەر ۇيىمى جايۋ جۇمىستارىن ورىندادى، ۋاقىتشا دامبا ۇيمە جاسادى، كىرەبەرىس جول سالىندى.
ءشۇلبى شليۋزىنىڭ كەمە جۇرەتىن قۇرىلىمىن سالۋدىڭ ماقساتى - ءشۇلبى سۋ قويماسىنىڭ ماكسيمالدى تولۋ جاعدايلارىندا ءشليۋزدى كوكتەمگى جانە كۇزگى سۋ تاسقىن مەرزىمدەرىندە قاۋىپسىز پايدالانۋدى قامتاماسىز ەتۋ جانە ەرتىس اۋماعىنىڭ تومەنگى جاعىندا ورنالاسقان ەلدى مەكەندەردى سۋ تاسقىنىنان بولدىرماۋ.
انىقتاما: كەمە جۇزەتىن شليۋز - كەمەلەردىڭ سۋ دەڭگەيلەرى ءار ءتۇرلى ءبىر باسسەيننەن ەكىنشىسىنە ءوتۋىن قامتاماسىز ەتۋ ماقساتىندا سالىناتىن كەمە جۇزەتىن جانە سۋ جولدارىنداعى گيدرو تەحنيكالىق قۇرىلىمدار. شليۋزدىڭ ەكى جاعىنان قاقپالار سالىنىپ، ارالارىندا كامەرا ورنالاسقان. ول ءوز اۋماعىندا سۋ دەڭگەيىن قالپىنا كەلتىرۋگە مۇمكىندىك بەرەدى. كەمە كوتەرگىشتەرىنە قاراعاندا ونىڭ ارتىقشىلىعى - تەحنيكالىق جابدىقتاندىرۋ جاعىنان وڭاي جانە ارزانداۋ كەلەتىندىگى.
