التى جاسار الماتىلىق قىز اۆسترياداعى تەلەۆيزيالىق سايىستا جەڭىمپاز اتاندى

 سوفي ماناسيان التىن ءمۇسىن مەن «التىن ءۇمىت» ارنايى سىيلىعىنا يە بولدى. ول حالىق بيلەرىن بيلەپ كورەرمەندەردى تاڭعالدىردى. بۇعان دەيىن دە سوفي جۇزدەگەن بايقاۋدا باعىن سىناعان.

«سوزۆەزديە ۆەنى» بالالار مەن جاسوسپىرىمدەردىڭ حالىقارالىق بايقاۋى اۆستريانىڭ مادەنيەت مينيسترلىگىنىڭ قولداۋىمەن ءوتتى. بيىل وعان 16 ەلدەن ونەرپازدار باعىن سىنادى. ياعني مىڭنان استام ونەرلى بالا ءتۇرلى نوميناتسيالارعا قاتىستى. نەگىزگىلەرى - ۆوكال، حورەوگرافيا، مۋزىكالىق اسپاپتار.

 كىشكەنتاي الماتىلىق قازىلار القاسى مەن كورەرمەندەردىڭ جۇرەگىنە جول تابا ءبىلدى. ۇيىمداستىرۋشىلار اشىلۋ سالتاناتىندا ونەر كورسەتۋ مۇمكىندىگىن ۇسىنعان. «بالبىراۋىن» اتتى قازاقتىڭ حالىق ءبيىن 6 جاسار سوفي بىرنەشە اي بويى دايىنداعان.

ونداعى كەي قيمىلداردى كورسەتۋ قيىنعا سوققان ەكەن. ۆەناداعى تالانتتىلار بايقاۋىنا جاس جۇلدىز 3 بي ازىرلەپتى. سوفي ماناسيان «اققۋ» جانە دەنە قيمىلى ارقىلى ويدى جەتكىزۋ شەبەرلىگىن تالاپ ەتەتىن ءۇندى ءبيىن ۇسىنىپتى. ونىڭ بۇل تالپىنىسى نازارسىز قالمادى. ناتيجەسىندە فەستيۆال التىنى مەن «التىن ءۇمىت» ارنايى سىيلىعى الماتى قالاسىنىڭ تۇرعىنىنا بۇيىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى