قازاقستاندىق جۇلدىزدار قايدا جانە قالاي دەمالىپ جاتىر؟ - فوتو
اتاپ ايتقاندا، جىلدىڭ وسى مەزگىلىندە قازاقستاندىق شوۋ- بيزنەستىڭ جۇلدىزدارى Instagram جەلىسىنە وزدەرىنىڭ دەمالىستارىنداعى قىزىقتى ساتتەرىن سالىپ، بولىسۋدە. وسى ورايدا «قازاقپارات» ح ا ا ءوزىنىڭ وقىرماندارىنا ەلىمىزدىڭ ءبىرقاتار تانىمال ادامدارى دەمالىستارىن قاي جەردە جانە قالاي وتكىزىپ جاتقاندىعى جايىندا مالىمەتتەردى ۇسىنىپ وتىر.
تانىمال ءانشى، «مۋزارت» توبىنىڭ مۇشەسى مەيرامبەك بەسپايەۆتىڭ Instagram جەلىسىنە سالعان فوتوسۋرەتتەرىنە قاراعاندا، قازىرگى ۋاقىتتا ءوزىنىڭ دەمالىسىن وتباسىمەن ەۋروپادا وتكىزىپ جاتىر. ولار پاريجدە بولىپ، قازىرگى كەزدە ميلاننىڭ ساۋلەتتىك ونەرىن تاماشالاپ جۇرگەن كورىنەدى.
بۇدان بولەك، تانىمال «جاۋجۇرەك مىڭ بالا» وتاندىق فيلمىنە تۇسكەن ءاليا انۋاربەك (تەلەباريسوۆا) ءوزىنىڭ ءشاربات ايىندا فرانسيا استاناسىندا بولعان كورىنەدى. ول ءوزىنىڭ بيىل قوسىلعان كۇيەۋىمەن جانە دوستارىمەن وسىنىڭ الدىندا كانار ارالدارىندا بىرنەشە كۇن ۋاقىتىن وتكىزگەن.
ەۋروپالىق دەمالىستى وتباسىمەن ءانشى بۇركىت تە تاڭداعان سىڭايلى. ولار ءبىرشاما ۋاقىت بارسەلونادا ايالداعاننان كەيىن، تەنەريفەدە كۇنگە كۇيۋگە اتتانعان ەكەن.
قازاقستاندىق ەسترادا جۇلدىزى روزا رىمبايەۆا وتاندىق دەمالىس ورىندارىندا بولعاندى قالايدى. جاقىن ارادا ول قاتونقاراعايعا جانە الاكولگە بارۋدى جوسپارلاپ وتىر.
سونىمەن قاتار بيىلعى جىلى تانىمال ايتىسكەر اقىن اينۇر تۇرسىنبايەۆا دا وتاندىق كۋرورتتارعا بارۋعا شەشكەن. وسى ورايدا ول دەمالۋ ءۇشىن ءوزىنىڭ دوستارىنان قازاقستاندىق كۋرورتتاردىڭ بىرىنە بارۋعا كەڭەس بەرۋدى سۇراعان ەكەن.
ماقپال يسابەكوۆا «سەزەمىن» اتتى جاڭا بەينەبايانى اياسىنداعى جۇمىستاردان كەيىن يزرايلگە باعىت العان. بىرنەشە كۇن بويى جەرورتا تەڭىزىنىڭ جاعالاۋىندا ايالداعاننان كەيىن، تاياۋ شىعىستاعى جاعدايلارعا بايلانىستى شۇعىل تۇردە ەلگە ورالۋعا ءماجبۇر بولعان.
تانىمال قازاقستاندىق ديزاينەر ساكەن جاقسىبايەۆ ءوزىنىڭ جازعى دەمالاسىن بارسەلونانىڭ كورىكتى جەرلەرىمەن تانىسۋعا ارنادى. قازاقستانعا كەرى قايتار جولدا ول ىستامبۇلعا اتباسىن بۇرعان. وسى جايىندا Instagram-دا سالىنعان سۋرەتتەردەن بايقاۋعا بولادى.
بەلگىلى تەلەجۇرگىزۋشى ءارى پروديۋسەر بايان ەسەنتايەۆا بىرنەشە كۇنىن دەمالىسقا ارناعان. ول وتباسىمەن بىرگە تۇركيادا قىسقا مەرزىمدى دەمالىس وتكىزگەن ەكەن.
وسى ەلدە قازىرگى كەزدە ديلناز احماديەۆا دا دەمالىپ جۇرگەن كورىنەدى.
كۆن جۇلدىزى، سونداي- اق تانىمال شوۋمەن نۇرلان قويانبايەۆ بيىلعى جىلى «ەكى قوياندى ءبىر وقپەن اتۋعا» بەل بۋعان كورىنەدى. ول امەريكاداعى دەمالىسىمەن قاتار، ءبىر مەزگىلدە اعىلشىن ءتىلىن تەرەڭىرەك مەڭگەرۋدى ءجون دەپ ساناعان.
«ا- ستۋديو» توبىنىڭ پروديۋسەرى ءارى مۇشەسى بايعالي سەركەبايەۆ ءوزىنىڭ تۋرنەسىن شۆەيسارياعا ساپارىنان باستادى. ول بىرنەشە كۇننەن بەرى مونترە كۋرورتتىق قالاسىندا دەمالىپ جاتىر.
اۆتور: رۋسلان عابباسوۆ
