قازاقتىڭ كيىزدەن جاساعان تەكەمەتى يتاليادا برەندكە اينالدى - فوتو/ كەسكىن
ALTAI دەپ اتالعان برەندتى راففاەلە كاريەرري (Raffaele Carrieri) ەسىمدى ازامات 1994 - جىلى جاساعان. ول كوشپەندى حالىقتاردىڭ تۇرمىس-تىرشىلىگىندەگى كيىزدەن جاسالاتىن كىلەم، توسەنىش (سۋرەتتى كىلەم، تۇس كىلەم)، كۇرت پالاسىن ساتۋمەن اينالىسادى. توقىما وندىرىسىندە كاريەرري بۇگىنگە دەيىن 16 كوللەكتسياسىن جاساپ ۇلگەرگەن. برەند جاساۋشى ⅩⅩعاسىرلاردان بەرمەن قاراي قولدانىستان شىعىپ بارا جاتقان مۇنداي ونەر تۋىندىلارىنا جاڭاشا ءبىر دەم بەرگىسى كەلەتىنىن ايتىپتى.
2002 - جىلى ALTAI برەندى ساۋلەتشىلەر مەن ديزاينەرلەرمەن اقىلداسا وتىرىپ، وزبەكستاندا دا تىگىن شەبەرحاناسىن اشقان. كاريەرري بۇل ەلدىڭ فەرعانا دالاسىنداعى كوزكورگەن ادامدارمەن بىرگە جاڭا تەكەمەتتەر توقىپ، ارنايى تاپسىرىسپەن جۇمىس ىستەپ كەلەدى.
ەسكەرتە كەتەيىك، بۇل توقىما ونەركاسىبىندە حيميا ارالاسپايدى، بارلىق شيكىزات وزبەكستاندىق وندىرۋشىلەردەن ساتىپ الىنادى ەكەن.
برەند Ancient Saharan Mats, Antique Felts of Central Asia دەگەن اتپەن كورمە دە ۇيىمداستىرىپتى. بۇل كورمەلەر الەمنىڭ ۇزدىك انتروپولوگتارىنىڭ، عالىمدارىنىڭ قاتىسۋىمەن وتكەن.
