بۇگىن بوكستان «قازاقستان پرەزيدەنتىنىڭ كۋبوگى» حالىقارالىق تۋرنيرىندە فينالدىق كەزدەسۋلەر باستالدى
كەشە جارتىلاي فينالدىق جەكپە-جەكتەردە 11 قازاقستاندىق بىلعارى قولعاپ شەبەرى اقتىق سىنعا جولداما العان بولاتىن.
سايىستار 49, 52, 64,69,75,81 جانە 91 سالماق دارەجەسىندە ءوتتى.
اتاپ ايتار بولساق، جومارت ەرجان (49 كەلى)، ءىلياس سۇلەيمەنوۆ (52 كەلى)، 2013 - جىلعى قازاقستان چەمپيونى الماسبەك اليبەكوۆ (64 كەلى)، نۇرجان بەكزاتوۆ (+91 كەلى)، قامشىبەك قوڭقابايەۆ (+91 كەلى) جەڭىلىستىڭ اشى ءدامىن تاتسا، 2013 -جىلعى الەم چەمپيونى ءبىرجان جاقىپوۆ (49 كەلى) ، قايرات ەرالييەۆ (56 كەلى)، جانبولات تىلەگەن ۇلى (56 كەلى)، دانيار ەلەۋسىنوۆ (69 كەلى)، ساعادات راحمانقۇلوۆ (69 كەلى)، جانىبەك ءالىمحان ۇلى (75 كەلى)، ادىلبەك نيازىمبەتوۆ (81 كەلى) ، داۋرەن ەلەۋسىنوۆ (81 كەلى) جانە يۆان دىچكو جارتىلاي فينالدان سۇرىنبەي اقتىق سىنعا شىقتى.
بۇل جەردە ءبىر ايتا كەتەتىن ءجايت، 56 كەلى سالماق دارەجەسىندە ونەر كورسەتىپ جاتقان جانبولات تىلەگەن ۇلى شيرەك فينالدا لوندون وليمپياداسىنىڭ چەمپيونى روبەيسي راميرەزدى تىزە بۇكتىرسە، كەشە جارتىلاي فينالدا لوندون وليمپياداسىنىڭ فيناليسى موڭعولدىق بوكسشى تۋگتسوگت نويامباياردى تىزە بۇكتىردى. ەندى وتكەن جىلى عانا ەل بىرىنشىگىندە عانا كوزگە تۇسكەن جاس بوكسشى فينالدى وتانداسى قايرات ەرالييەۆپەن كەزدەسەدى.
69 كەلى سالماق دارەجەسىندە شارشى الاڭعا شىققان 2013 - جىلعى قازاقستان چەمپيونى ساعادات راحمانقۇلوۆ جارتىلاي فينالدا 2013 - جىلعى الەم بىرىنشىلىگىنىڭ فيناليسى كۋبالىق اريسنوديۋس ءديسپەيندى ايقىن باسىمدىقپەن جەڭىپ، كورەرمەننىڭ ىستىق ىقىلاسىنا بولەندى.
سونىمەن بۇگىنگى اقتىق سىندا شارشى الاڭعا مىنا تومەندەگى بىلعارى قولعاپ شەبەرلەرى شىعادى:
49كەلى: ءبىرجان جاقىپوۆ (قازاقستان) - حاسانباي دوسماتوۆ (وزبەكستان)
52 كەلى: رەي سالۋدار (فيليپپين) - شاحوبيددين زويروۆ (وزبەكستان)
56 كەلى: قايرات ەرالييەۆ (قازاقستان) - جانبولات تىلەگەن ۇلى (قازاقستان)
60 كەلى: بەرىك ءابدىراحمانوۆ (قازاقستان) - چارلي سۋارەز (فيليپپين)
64 كەلى: ۆۋتتيچاي ماسۋك (تايلاند) - لۋيس وليۆا گەنەر (كۋبا)
69 كەلى: دانيار ەلەۋسىنوۆ (قازاقستان) - ساعادات راحمانقۇلوۆ (قازاقستان)
75 كەلى: جانىبەك ءالىمحان ۇلى (قازاقستان) - دميتريي ميتروفانوۆ (رەسەي)
81 كەلى: ادىلبەك نيازىمبەتوۆ (قازاقستان) - داۋرەن ەلەۋسىنوۆ (قازاقستان)
91 كەلى. دەيىن: انتون پينچۋك (قازاقستان) - رۋيس كوردوۆا حەريح (كۋبا)
91 كەلى جوعارى: يۆان دىچكو (قازاقستان!) - يوراندي تويراك ورتەگا (كۋبا)
بۇگىنگى فينالدىق جەكپە-جەكتەر ادەتتەگىدەي بالۋان شولاق اتىنداعى سپورت سارايىندا ءوتىپ جاتىر.
كىرۋ تەگىن.
