قىتايدا الەمدەگى ەڭ قاتتى جاساندى الماز دۇنيەگە كەلدى
يانشان ۋنيۆەرسيتەتىنىڭ زەرتتەۋشىلەرى بىلاي دەيدى: «كومىرتەگى نانومەتر تۇيىرشىكتەرى مەن جوعارى تەمپەراتۋرالى جوعارى قىسىم تەحنولوگياسىنان پايدالانىپ، ورتاشا قالىڭدىعى تەك 5 نانومەتر كەلەتىن المازدى جاسادىق. بۇل تابيعي المازدا كورىلمەگەن ەڭ كىشكەنتاي قۇرىلىم».
بۇل جاڭا المازدىڭ قاتتىلىق دارەجەسى ەرەكشە جوعارى، ءارى توتىعۋ تەمپەراتۋراسى تابيعي المازدان 200 گرادۋس جوعارى. زەرتتەۋشىلەر ولاردىڭ زەرتتەۋ ناتيجەسى وزگەشە ەرەكشەلىككە يە جاڭا ماتەريال جاساپ شىعۋعا سەپتىگىن تيگىزەدى دەپ قارايتىندىقتارىن ءبىلدىردى.
الماز اسا قاتتى، ءارى ۇيكەلىسكە ءتوزىمدى، جارقىراپ كوزدىڭ جاۋىن الادى، ومىرلىك سەرتتىڭ سيمۆولى رەتىندە دە قارالدى. ول وزگە دە قاتتى ماتەريالداردى كەسۋگە، تەسۋگە جانە ەگەۋگە پايدالانىلادى. اسەمدىك بۇيىم رەتىندە دە جوعارى سۇرانىسقا يە. ونەركاسىپ سالاسىنداعى ىقپالىن ويلاستىرا وتىرىپ قىتايدىڭ حىبەي پروۆينتسياسى يانشان ۋنيۆەرسيتەتىنىڭ زەرتتەۋشىلەرى الەمدەگى ەڭ قاتتى جاساندى المازدى ويلاپ تاپقان. «تابيعات» جۋرنالى: «ولاردىڭ تاجىريبەسى تابىسقا جەتكەن ءارى ماشينا مەن جوعارى تەمپەراتۋراعا ەرەكشە ءتوزىمدى، قاتتىلىق دارەجەسى تابيعي المازدان جوعارى» دەپ باعالاپ وتىر.
دايىنداعان: سۇڭقار اقبوز
