قارۋلى كۇشتەر اراسىندا «التىن ۇكى» حالىقارالىق جارىسى ءوتىپ جاتىر - فوتو
بۇل تۋرالى ق ر ق م باسپا ءسوز قىزمەتىنەن حابارلادى.
قازاقستاندا جىل سايىن وتكىزىلەتىن بۇل شاراعا بيىل رەسەي، ۇلى بريتانيا، يوردانيا، قىتاي، پاكىستان جانە ا ق ش قارۋلى كۇشتەرىنىڭ مەرگەندەر جۇبى قاتىسادى.
«التىن ۇكى - 2014» حالىقارالىق جارىسىن اشقان گەنەرال- مايور ولەگ بيجانوۆ: «ءاربىر قاتىسۋشىنىڭ ءوز قۇپيالارى مەن اتىس ادىستەرى بار. سونداي- اق، بيىلعى جارىستار بارىسىندا «وسىندا بەسىنشى رەت وتكىزىلىپ وتىرعان مەرگەندەر ونەرىنىڭ ورتالىق ازيالىق فورۋمىندا بارلىق قاتىسۋشىلاردىڭ ءوز شەبەرلىكتەرىن ارتتىرۋعا مۇمكىندىك بەرەتىن تاجىريبە الماسۋ بويىنشا ۇلكەن جۇمىستار اتقارىلدى» ، - دەپ اتاپ ءوتتى.
بيىل سپاسسكىدە وتەتىن مەرگەندەر جۇبىنىڭ جارىسىندا 38 ۇزدىك مەرگەن ءوز شەبەرلىكتەرىن پاش ەتەتىن بولادى. جارىس 4 كەزەڭنەن تۇرادى. 19 - شىلدەگە دەيىن بارلاۋشىلارعا دەنە جانە اتىس دايىندىقتارى دەڭگەيىن سىنايتىن
16 جاتتىعۋدى ورىنداۋعا تۋرا كەلەدى.
«التىن ۇكى-2014» جارىسىنىڭ قورىتىندىسى 19 - شىلدەدە شىعارىلادى.
جارىستىڭ سالتاناتتى اشىلۋىنان سوڭ بارلاۋ توپتارى جاۋىنگەرلىك تاپسىرمالاردى ورىنداۋ اۋماعىنا اتتاندى.
