پارا العان اۋداندىق سوتتىڭ ءتوراعاسى پرەزيدەنت جارلىعىمەن جۇمىسىنان بوساتىلدى

بۇل تۋرالى 10 - شىلدە كۇنى وتكەن كەڭەس كەزىندە وبلىستىق سوتتىڭ ءتوراعاسى بەك امەتوۆ حابارلادى، دەپ جازادى «ۋرالسكايا نەدەليا» .

«سىبايلاس جەمقورلىق ارەكەتى ءۇشىن زەلەنوۆسكي اۋداندىق №2 سوتىنىڭ ءتوراعاسى باقىتجان ساتىبالديەۆ مەملەكەت باسشىسىنىڭ جارلىعىمەن ءوز قىزمەتىنەن بوساتىلدى. قازىر باقىتجان ساتىبالديەۆكە قاتىستى تەرگەۋ جۇرگىزىلۋدە» ، - دەدى وبلىستىق سوتتىڭ ءتوراعاسى.

ەسكە سالا كەتەيىك، 2014 - جىلدىڭ 18- اقپانىندا «عينايات قۇرىلىس» ج ش س ديرەكتورى ب ق و قارجى پوليسياسى دەپارتامەنتىنە بارىپ، باقىتجان ساتىبالديەۆتىڭ اكىمشىلىك ماتەريال بويىنشا ايىپپۇل سالماۋ ءۇشىن 200 مىڭ تەڭگە كولەمىندە  اقشا بوپسالاعانىن حابارلاعان.

سول كۇنى قارجى پوليسەيلەرى ارنايى جەدەل ىزدەۋ شارالارىن وتكىزدى، ونىڭ بارىسىندا ساتىبالديەۆتىڭ ءوز جۇمىس كابينەتىندە پارا العانى تىركەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى