بالقاشتا جەلكەندى قايىق جارىسى بويىنشا الەم چەمپيوناتى ءوتىپ جاتىر - فوتو
«قازاقستان، رەسەي، بەلارۋس، ۋكراينا، وزبەكستان مەن پريبالتيكا ەلدەرىنەن بىزگە قۇرلىقتاعى ءىرى كولدەگى ءۇشىنشى الەم چەمپيوناتىنا قاتىسۋعا 36 كوماندا كەلدى» ، - دەدى جۋرناليستەرگە پريوزەرسك قالاسىنىڭ اكىمى قايرات جانسەرىك.
ونىڭ سوزىنە قاراعاندا، جارىس 500 گە جۋىق مىقتى دەگەن سپورتشىلاردى جينادى.
جارىساتىن باعىتتىڭ ۇزىندىعى 325 شاقىرىمدى قۇرايدى، جول- جونەكەي جەلدىڭ بولماۋىنان بۇل كورسەتكىش ەكى ەسەگە دەيىن ۇلعايۋى مۇمكىن.
ءبىر اتاپ وتەتىنى، چەمپيوناتقا الماتىدان ءبىر ايەلدەر كومانداسى - «Monella» قاتىسۋدا. جارىستىڭ باستى قوناعى - سپورتتىق تۋريزم بويىنشا ك س ر و سپورت شەبەرى، ءوزى جاساپ شىعارعان جەلكەندى كاتامارانمەن بۇكىل الەمدىك مۇحيتتى ءجۇزىپ وتكەن اناتوليي كۋليك.
توتەنشە جاعدايسىز دا بولمادى. جارىستىڭ ءبىرىنشى كۇنى- اق، جۋرناليستەردىڭ كوزىنشە ءبىر قايىق اۋدارىلدى. ەكىنشى كۇنى تاعى بىرنەشەۋى اۋدارىلدى. ۇيىمداستىرۋشىلاردىڭ ايتۋىنشا، جەل ويلاماعان جەردەن سوعۋى مۇمكىن، سوندىقتان وتە ساق بولۋ كەرەك.
