حالىقارالىق پويىزدارعا جول ءجۇرۋ بيلەتتەرىن الدىن الا ساتىپ العاندارعا جەڭىلدىك جاسالادى

دەپ حابارلايدى «جولاۋشىلار تاسىمالى» اق باسپا ءسوز قىزمەتىنەن.

«2014 - جىلدىڭ 1  -تامىزىنان «جولاۋشىلار تاسىمالى» ا ق «فەدەرالدى جولاۋشىلار كومپانياسى» مەن بىرلەسىپ، حالىقارالىق باعىتتاعى پويىزدارعا جول ءجۇرۋ بيلەتتەرىن الدىن الا ساتىپ العان جاعدايدا جەڭىلدىكتەر جاساي الادى، ناقتىراق ايتساق:

СВ كاتەگورياسىنداعى جانە كۋپە ۆاگوندارىنا پويىز جۇرگەنگە دەيىنگى 45 تەن 31 تاۋلىككە دەيىنگى كەزەڭدە - 30 پايىز؛ پويىز جۇرگەنگە دەيىنگى 30 دان 16 تاۋلىككە دەيىن - 15 پايىز جەڭىلدىك جاسالماق.

پلاتسكارت ۆاگوندارىنا پويىز جۇرگەنگە دەيىن 45 تەن 31 تاۋلىككە دەيىنگى كەزەڭدە - 20 پايىز؛ پويىز جۇرگەنگە دەيىن 30 دان 16 تاۋلىككە دەيىن - 10 پايىز جەڭىلدىك جاسالادى.

مىسالى، 1- تامىزدا جولعا شىعاتىن پويىزعا جەڭىلدىك الۋ ءۇشىن:

اعىمداعى جىلدىڭ 18- ماۋسىمىنان 1- شىلدەگە دەيىنگى كەزەڭدە 30 پايىز جەڭىلدىكپەن؛

اعىمداعى جىلدىڭ 2 - شىلدەسىنەن 15 - شىلدەسىنە دەيىنگى كەزەڭدە 15 پايىزدىق جەڭىلدىكپەن بيلەت الا الادى» ، - دەپ جازىلعان حابارلامادا.

 جەڭىلدىكتەرى بار بيلەتتەردى ينتەرنەت ارقىلى www.epay.railways.kz سايتىنان، ترانزاكسيالىق تەرمينالدار، سونىمەن بىرگە، جول ءجۇرۋ قۇجاتتارىن ساتۋ بويىنشا كاسسالاردان الۋعا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى