برازيليادا اعىلشىن ءتىلىنىڭ ماڭىزى جوق
برازيليا فەدەراتيۆتىك رەسپۋبليكاسى - وڭتۇستىك امەريكا قۇرلىعىنىڭ شىعىس جانە ورتالىق بولىكتەرىن الىپ جاتقان مەملەكەت.
جەرى - 8,5 ميلليون شارشى شاقىرىم. حالقىنىڭ سانى - 203 ميلليون. ونىڭ 49,2 پايىزى - ەرلەر، 50,8 پايىزى - ايەلدەر. استاناسى - برازيليا، مەملەكەتتىك ءتىلى - پورتۋگال ءتىلى، ۆاليۋتاسى - رەال. ۇلتتىق مەيرامى - 7- قىركۇيەكتە اتالىپ وتەتىن تاۋەلسىزدىك كۇنى. باستى مەرەكەسى - روجدەستۆو.
ەلدى قارۋلى كۇشتەردىڭ باس قولباسشىسى، پرەزيدەنت باسقارادى. جوعارعى زاڭ شىعارۋشى ورگانى - ۇلتىق كونگرەسس. كونگرەسس فەدەرالدىق سەنات جانە دەپۋتاتتار پالاتاسىنان تۇرادى. اكىمشىلىك باسقارۋ بويىنشا 25 شتاتقا، ءبىر فەدەرالدىق وكرۋگكە بولىنەدى. گۋبەرناتور بيلەيتىن ءاربىر شتات ءوز كونستيتۋتسياسىن ۇستانادى.
ءىرى قالالارى: برازيليا، ريو- دە- جانەيرو، سان- پاۋلۋ.
برازيليا جانە ەل تۇرعىندارى تۋرالى ەڭ قىزىقتى مالىمەتتەر: برازيليالىقتار قولما- قول اقشانى پايدالانبايدى، ەسەپتى كرەديتتىك كارتالارمەن تولەيدى. سۋپەرماركەتتەگى تاۋارلاردىڭ باعاسى وتە قىمبات بولعاندىقتان، كوپشىلىگى نەسيەگە الادى. سوندىقتان، تاۋار باعاسىنىڭ قاسىندا نەسيەگە شاققانداعى باعاسى دا جازۋلى تۇرادى.
سان- پاۋلۋدىڭ تۇرعىندارى ۇيدەن جۇمىسقا دەيىنگى جولعا 3-4 ساعات ۋاقىت جۇمسايدى. كەپتەلىستە وسىنشا ۋاقىت تۇرۋ - ولار ءۇشىن قالىپتى جاعداي. بارلىق برازيليالىقتار «Havaianas» (حاۆاياناس) اتالاتىن سۇيرەتپە كيىپ ءجۇرۋدى ۇناتادى. ولار بۇل اياق كيىممەن مەيرامحاناعا دا بارا بەرەدى.
ءداستۇر بويىنشا، برازيليالىقتار ومىرلەرىنە شاعىم ايتپايدى، ءتىپتى كوڭىل- كۇيلەرى ناشار كەزدىڭ وزىندە «قالىڭ قالاي؟ » دەگەن سۇراققا «ءبارى كەرەمەت!» دەگەن جاۋاپتى ايتادى. برازيليادا اعىلشىن ءتىلىنىڭ ماڭىزى جوق. برازيليا حالقى وتە وتانسۇيگىش. ولاردىڭ كيىم سورەلەرىندە مىندەتتى تۇردە ەل تۋى بەينەلەنگەن جەيدەلەر جاتادى.
