ميعا پايدالى توعىز ءتۇرلى جاتتىعۋ ۇلگىسى
«بۇل جاتتىعۋ قوزعالىستارى - ادام ومىرىندە قالىپتاسىپ قالعان تۇسىنىكسىز اۋىرپالىقتى، جانە قاجەتسىز سەزىمدەردى جەڭىلدەتەدى» دەپ سەندىرەدى اۆتور.
جالپى ميعا پايدالى بىرنەشە اۆتوردىڭ، پسيحولوگتاردىڭ جۇمىستارى بار ەكەندىگى بەلگىلى. سول اۆتورلاردىڭ ىشىندە امەريكاندىق جازۋشىنىڭ بەرگەن كەڭەسى ەڭ كوپ پايدالانىلادى دەسەدى.
ەگەر، ءسىز بۇل كەڭەستەرگە قۇلاق اسىپ، ومىردە ءجيى ادەتكە اينالدىراتىن بولساڭىز، تاۋلىگىنە از عانا ۋاقىتىڭىزدى الادى. ەسەسىنە، پايداسى شاش ەتەكتەن. ەگەر قاجەت دەپ تاپساڭىز، ميعا جاتتىعۋ جاساۋ ۇلگىسى تومەندەگىدەي:
1 ساعات بويى مەيلىنشە ەشقانداي ەموتسيونالدى ارەكەتتەرگە بەرىلمەي، ءسىزدىڭ تاراپىڭىزعا جاسالىنعان ساۋالدارعا عانا قىسقاشا جاۋاپ قاتىپ، كوپ سويلەمەي ءوز ورتاڭىزدا قاراپايىمدىلىقتى ساقتاپ ۇيرەنىڭىز.
30 مينۋت بويى تەك ءبىر زاتتى عانا ويلاپ، باسقا ەشبىر دۇنيەلەرگە الاڭداماي بار نازارىڭىزدى سول وبەكتىگە سالىڭىز. العاشىندا 5 مينۋتتان باستاعان ءجون.
وزگە ادامدارمەن «مەن»، «ماعان»، «مەنىكى» اتاۋلى سوزدەرىن قولدانباي 15 مينۋت بويى اڭگىمە ءوربىتىڭىز.
ءىشى ادامعا تولى كەز-كەلگەن عيمارات تابالدىرىعىنا توقتاي قالىپ بىرەر ۋاقىت ەسىكتىڭ ولشەمىن انىقتاڭىز. سول جايىندا ويلاڭىز.
بىرنەشە ۋاقىت سۇحباتتاسىپ جاتقان سەرىگىڭىزدىڭ تەك ءوزى جايىندا عانا اڭگىمەلەي بەرۋىن قاداعالاڭىز جانە ونى وزىنە بىلدىرتپەڭىز. سودان كەيىن عانا سىپايى قويىلعان سۇراقتارىڭىزبەن ورتاق تاقىرىپقا كوڭىلىن بۇرىڭىز.
ماقتانباي، ارىزدانباي جانە جانىڭىزداعى كىسىنى جالىقتىرىپ الماي تەك ءوزىڭىز جايىندا ۇزاق ۋاقىت ءسوز قوزعاپ كورىڭىز.
كۇنىنە 2 ساعاتتى قاتاڭ تارتىپكە قۇرىلعان جوسپار ءتۇزىڭىز جانە ونى ورىنداۋدان جاڭىلماڭىز.
ءوز جوسپارىڭىزعا ادام تۇيسىگىنە كىرىپ شىقپايتىن 12 ءىستى ەنگىزىڭىز. ماسەلەن، ءۇي جانىنان اۋلاق جەردە تاڭداپ 20 ك م جەردى جاياۋ ءجۇرىڭىز؛ 12 ساعات بويى تاماقتانباۋدى ادەتكە اينالدىرىڭىز؛ تاڭعى اسىڭىزدى ەڭ ىڭعايسىز ءارى بۇرىن سوڭدى تاماقتانىپ كورمەگەن ورىندا ءىشىڭىز؛ ءبىر تاۋلىك بويى ءۇنسىز ءجۇرىپ ۇيرەنىڭىز؛ ءتۇنى بويى كوز ىلمەي جۇمىس ىستەۋگە نيەتتەنىڭىز.
ءبىر كۇن بويى بارلىق ساۋالدارعا نەمەسە وتىنىشتەرگە «ءيا» دەپ جاۋاپ قاتىڭىز. (ءوز شەڭبەرىمەن ارينە)
جوعارىدا اتالعان جاتتىعۋ جۇمىستارى كۇلكىلى ءارى قىزىقتى كورىنۋى مۇمكىن. دەگەنمەن، ادام ميىنىڭ دۇرىس جۇمىس جاساپ، قاجەتسىز نەگاتيتى سەزىمدەردەن ارىلۋىنا ءوز اسەرىن قوسادى.
اۆتور: ساعىم ماتقالي
el.kz
