الماتى وبلىسىندا كولىكپەن كەلەجاتقان پوليتسەي ءبىر قىزدى باسىپ كەتتى
زارداپ شەككەن 1991 - جىلى تۋىلعان ايگەرىم كۇلشانوۆا الىنعان جاراقات سالدارىنان وقيعا ورنىندا كوز جۇمدى.
الماتى وبلىسىنىڭ ءى ءى ب باسپا ءسوز قىزمەتى باسشىسىنىڭ مىندەتىن اتقارۋشى كوبەيحان نۇراحمەت قايعىلى وقيعا ورىن العان كەزدە كولىك باسقارىپ كەلە جاتقان ادام ماس بولماعانىن (مەديتسينا ساراپتامالىق قورىتىندى ناتيجەسى) مالىمدەدى.
«كەشە، 5 - ماۋسىمدا ساعات 22:30 دا الماتى- وسكەمەن تاس جولىندا ورىن العان، جۇرگىنشى زارداپ شەككەن جول- كولىك وقيعاسى فاكتىسى بويىنشا ساراپتاما تاعايىندالا وتىرىپ، قىلمىستىق ءىس قوزعالدى.
ءوز باسشىسىمەن قىزمەتتىك ءىسساپارعا بارا جاتقان كولىك جۇرگىزۋشى الماتى وبلىسى ءى ءى د اۆتوشارۋاشىلىعى پوليتسياسىنىڭ سەرجانتى نۇرجان جىرعالوۆ ج ك و كەزىندە مەديتسينالىق قورىتىنداعا سايكەس ماس بولماعان. قازىرگى ۋاقىتتا جىرعالوۆ قاماۋعا الىندى» ، - دەدى كوبەيحان نۇراحمەت.
